Besièrs

Vila d'Occitània

Besièrs Béziers
Geografia fisica
Coordenadas	43° 20′ 51″ N 3° 13′ 08″ E
Superfícia	95,48 km²
Altituds  · Maximala  · Mejana  · Minimala	120 m 17 m 4 m
Geografia politica
País	Lengadòc
Parçan	Besierés
Estat	França
Region	Lengadòc-Rosselhon
Departament	Erau (sosprefectura)
Arrondiment	Arrondiment de Besièrs (capluòc)
Canton	Capluòc de 4 cantons
Intercom	Comunautat d'aglomeracion de Besièrs Mediterranèa
Cònsol	Raymond Couderc (2008-2014)
Geografia umana
Populacion Populacion totala (Còde INSEE ?)	70 957 ab. 72554 ab.
Densitat	743,16 ab./km²
Autras informacions
Gentilici	besierenc -a
Còde postal	34500
Còde INSEE	34032

Besièrs (Béziers en francés) es una vila occitana de Lengadòc, situada dins lo departament francés d'Erau e la region de Lengadòc-Rosselhon. Sa populacion municipala es de 72 554 abitants (2009). Ocupa una superfícia de 95,48 km².

Lo gentilici es besierenc -a.

Situacion geografica

La vila es situada dins la plana lengadociana. Es lo caplòc del parçan de Besierés, a la broa d'Òrb e del Canal de las Doas Mars, a 20 km de la mar Mediterranèa. A 50 km pus al nòrd tròban las montanhas d'altitud mejana del Naut Lengadòc : Carós (1090 m), Espinosa (1124 m) e los Monts de La Cauna dins Tarn (1267 m), que forman los darrièrs retlèus al sud del Massís Central.

Istòria

Besièrs a una istòria plan anciana. Tre lo sègle I, quand arribèron los romans cacèron los celtibèrs per tal de s'apoderar de l'airal e d'i implantar una colonia que sonèron: Civitas urbs Baeterrensis. Situada a qualques quilomètres de la Mediterranèa sul flum Òrb e traversada per la Via Domícia que ligava la futura Itàlia a la peninsula iberica, Besièrs coneguèt una creissença considerabla fins al sègle III que comencèt a patir d'atacas e aguèt a bastir sas muralhas. Las atacas contunhèron e Besièrs aguèt d'endurar l'invasion visigòda al sègle VI que contrarotlèron tot lo país. Dos sègles mai tard foguèt conquistada per las tropas musulmanas abans de patir las atacas furiosas dels francs que, amb son menaire Carles Martèl, la destrusiguèron en 737. Venguèt puèi sedença d'un avescat e un vescomte i apareguèt cap a 885 e aguèt una creissença tan fòrta que venguèt lèu una de las ciutats mai importantas d'Occitània.

Istòria

Se trapan a la broa d'Òrb de traças de vida datadas de l'epòca neolitica, mas es al primièr sègle abans lo Crist que los romans forabandiguèron los celtibèrs per fondar una colonia nomenada Civitas urbs baeterrensis. Baeterrae foguèt lo nom antic de Besièrs, que prosperèt fins al sègle III ab. lo C. que l'insecuritat butèt a la construccion de muralhas enrodant la vila.

Lo camèl de Besièrs

L’evangelista Sant Afrodisi nasquèt en Egipte en 36 avans Jèsus Crist. Dintrèt dins Besièrs sus l’esquina d’un camèl. Davant sa capitada, los romans malcontents li faguèron copar lo cap qu’escampèron dins un potz. Mas las aigas la tornèron montar, Sant Afrodisi l’agantèt e poguèt esser enterrat coma cal. Los besierencs faguèron del camèl salvat lo bestial totemic de la vila.

Personatges ligats a la vila

• Pèire Pau Riquet (1609-1690), arquitècte e engenhaire, creador del Canal de las Doas Mars.
• Joan Antòni Injalbèrt (1845–1933), escultor famós.
• Maria Roanet (1936), cantaira e escrivana.

Ligams extèrnes

• Libre de Memorias (Jacme Mascaro, 1390).

Òrb a Besièrs

---

Etapa precedenta Sant Tibèri Pelegrinatge de Sant Jacme de Compostèla Via Tolosana (varianta per Carcassona) Etapa seguenta Narbona

• Portal de Lengadòc