Chifras de populacion en França

Un article de Wikipèdia, l'enciclopèdia liura.
Anar a : navigacion, Recercar

En França, per las operacions de recensament, l'INSEE a definit mantun indicator de populacion que permeton de rendre compte de la dobla domiciliacion de cèrtas personas, per poder estudiar aqueste fenomèn e de ne téner compte dins las politicas d'amainatjament. Es per aquò que cada comuna, en França, a pas solament una sola chifra de populacion, mas mantuna.

Aspècte estatistic[modificar | modificar la font]

Las chifras donadas per l'INSEE per una comuna son :

  • la populacion municipala compren las personas qu'an lor residéncia abituala sul territòri de la comuna ;
  • la populacion comptada a despart, principalament las personas demorant dins cèrtas collectivitats (internats, casèrnas, espitals, covents, presons…) ;
  • la populacion totala, soma de las doas precedentas ;
  • los comptes dobles, un sosensemble de la populacion comptada a despart, comptant los abitants qu'an un autre luòc de residéncia (autrament dich, que fan partida de la populacion municipala d'una autra comuna) ;
  • la populacion sens comptes dobles, qu'es la populacion totala demenida dels comptes dobles[1].

La populacion sens comptes dobles es doncas totjorn superiora o egala a la populacion municipala, e inferiora o egala a la populacion totala. Dempuèi 2004, las nocions de populacion municipala e de populacion sens comptes dobles son identicas.

Per comprene convenablament la populacion d'una aglomeracion, d'un gropament de comunas, d'un departament o d'una region, s'utiliza la populacion sens comptes dobles.

Aspècte legislatiu[modificar | modificar la font]

Los resultats dels recensaments son oficializats per decret.

La nocion de populacion legala es utilizada en drech. Al sens larg, designa l'ensemble de las chifras oficializats. Dins un sens restrench, designa :

  • per una comuna, la populacion totala ;
  • per un canton, un arrondiment, un departament o una region, la soma de las populacions sens comptes dobles.

La populacion totala es la qu'es presa en compte dins l'aplicacion de las leis e dels règlaments a las collectivitats (en particular per las questions budgetàrias e fiscalas)[2].

En revenge, es la populacion municipala que determina lo nombre de conselhièrs municipals e lo mòde d'escrutinh de las eleccions municipalas[3].

Nòtas e referéncias[modificar | modificar la font]

  1. article R2151-1 del còde de las collectivitats territorialas.
  2. article R2151-2 del còde de las collectivitats territorialas.
  3. article R2151-3 del còde de las collectivitats territorialas.

Ligams extèrnes[modificar | modificar la font]