Albèrt Dauzat

Un article de Wikipèdia, l'enciclopèdia liura.
Anar a : navigacion, Recercar

Albèrt Dauzat (en francés Albert Dauzat) (Garait, 4 de julhet de 1877, Argèir, 31 d'octobre de 1955) èra un lingüista occitan. Son òbra fondamentala a permés d'avançar dins la coneissença de l'occitan, dau francoprovençau e dau francés, especialament en lingüistica istorica (sobretot en fonetica istorica), en etimologia, en onomastica e en dialectologia.

Maugrat son aportacion bravament preciosa per la coneissença de la lenga occitana, Dauzat aviá una concepcion fòrça diglossica e sosteniá la dominacion de la lenga francesa: en particular, foguèt ostil a la lei Deixona. Son trabalh sobre l'occitan es purament descriptiu. Tota son òbra scientifica es redigida en francés.

Dauzat èra nascut en Lemosin mas, per la dialectologia occitana, trabalhèt especialament sobre son parlar familhal auvernhat de Vinzèla (dins la comuna de Bançat).

Dauzat èra format a la filologia tradicionala (lingüistica tradicionala dominanta dau sègle XIX) e aviá pas gaire participat au desvolopament de l'estructuralisme que revolucionèt la lingüistica a partir de 1913. En tot cas l'òbra de Dauzat es d'una excellenta qualitat e d'una granda rigor dins l'enchastre de la filologia, e aquò fai qu'es encara una referéncia per los lingüistas contemporanèus que trabalhan sobre l'occitan. La sola excepcion notabla a aquela rigor son sas etimologias daus toponims, que son pas totas demostradas e que son de còps especulativas; pasmens representan una avançada qualitativa a respècte de son epòca.

Sas òbras[modificar | modificar la font]

Lista non exaustiva.

  • DAUZAT Albert (1899) Morphologie du patois de Vinzelles, París
  • DAUZAT Albert (1906) Géographie phonétique d’une région de la Basse-Auvergne, París, reedicion IEO París, 2010 en linha
  • DAUZAT Albert (1915) Glossaire étymologique du patois de Vinzelles, Montpelhièr: Societat d’Estudis Occitans, 1 vol. e 1 suplement en linha
  • DAUZAT Albert (1928) Essais de géographie linguistique. Deuxième série: problèmes phonétiques, París: Honoré Champion
  • DAUZAT Albert (1946) Les noms de personnes, origines et évolution, París: Delagrave
  • DAUZAT Albert (1946) Les patois, évolution, classification, étude, París: Delagrave
  • DAUZAT Albert (1980) Dictionnaire étymologique des noms de famille et prénoms de France, París: Larousse
  • DAUZAT Albert, & DESLANDES Gaston, & ROSTAING Charles (1978) Dictionnaire étymologique des noms de rivières et de montagnes en France, París: Klincksieck
  • DAUZAT Albert, & DUBOIS Jean, & MITTERAND Henri (1971) Nouveau dictionnaire étymologique et historique, París: Larousse
  • DAUZAT Albert, & ROSTAING Charles (1963) Dictionnaire étymologique des noms de lieux en France, París: Guénégaud

Bibliografia sobre Dauzat[modificar | modificar la font]

Lista non exaustiva.

  • Albert Dauzat et le patrimoine linguistique auvergnat, colloque de Thiers, 5-7 novembre 1998 (2000), Saint-Gervais-sous-Meymont: Parc naturel régional Livradois-Forez/CNRS
  • Joan Pèire Chambon (1996) = Jean-Pierre CHAMBON, "Albert Dauzat" [H. Stammerjohann (1996) Lexicon grammaticorum. Who’s Who in the History of World Linguistics, Tübingen, p. 226]