Altitud
L'altitud es l'elevacion verticala d'un luòc o d'un objècte relativament a un nivèl de basa.
L'altitud es tanben una grandor qu'exprimís un escart entre un punt donat e un nivèl mejan; sus Tèrra aqueste nivèl es lo pus sovent lo nivèl de la mar (o « nivèl zèro »). Las cimas son associadas a una altitud, calculada per de mejans indirèctes divèrses (geodesia, triangulacion). L'altitud es tanben una donada exogèna utila pel calcul numeric dins divèrses domenis : meteorologia, fisica, biologia.