Nimes

Vila d'Occitània

Nimes
Geografia fisica
Coordenadas	43° 50′ 05″ N 4° 21′ 39″ E
Superfícia	161,85 km²
Altituds  · Maximala  · Mejana  · Minimala	215 m 39 m 21 m
Geografia politica
País	Lengadòc Provença
Parçan	Costiera de Nimes
Estat	França
Region	Lengadòc-Rosselhon
Departament	Gard
Arrondiment	Arrondiment de Nimes (capluòc)
Canton	Capluòc de 6 cantons
Intercom	Comunitat d'Aglomeracion de Nimes Metropòli
Cònsol	Joan-Pau Fornier (2008 - 2014)
Geografia umana
Populacion Populacion totala (Còde INSEE ?)	140 747 ab. 143917 ab.
Densitat	869,61 ab./km²
Autras informacions
Gentilici	nimesenc -a
Còde postal	30000 e 30900
Còde INSEE	30189

Anfiteatre roman

Nimes (Nîmes en francés, Nemze en occitan ancian; descendent del latin d'origina cèlta Nemausus) es una vila d'Occitània situada gaireben au limit de Lengadòc e Provença, a 35 km de la Mar Mediterranèa. Administrativament es restacada au departament de Gard e a la region de Lengadòc-Rosselhon. Sa fondacion durant l'Antiquitat e sa situacion sus un ais de circulacion importanta li an permés d'arribar a una prosperitat considerabla del temps de la dominacion romana, e la ciutat n'a servat una riquesa de monuments rara en defòra de l'estat italian. Lo gentilici es nimesenc, -a.

Istòria

La ciutat de Nimes foguèt creada au sègle VI avans Jèsus Crist ; la vila vèn dau desvolopament d'un oppidum preroman, capitala dei Vòlcas arecomics, un dei grands pòbles de Gàllia.
En 120 avans JC, lei Vòlcas, a la tèsta d'un vast territòri de 24 oppida, acuelhon sens resisténcia lei Romans. La Colonia Nemausa, la vila galloromana es a mand de nàisser. A partir de 118 avans JC, la Via Domícia religant Itàlia a Espanha es bastida e travèrsa la ciutat. Foguèt un periòde de prosperitat sos lei Romans: leis Arenas, l'Ostau carrat, la Torre Manha e lo Temple de Diana foguèron bastits, e mai lo Pònt de Gard a 50 km de Nimes.

Sos l'Edat Mejana, Nimes subiguèt fortament lei guèrras. Foguèt un luòc important dei guèrras de religions entre Protestants (lòngtemps majoritaris dins la vila) e Catolics. Nimes foguèt fòrça influençada per leis idèas revolucionàrias, coneguèt la revolucion industriala au sègle XIX que li permeteguèt de se desvolopar considerablament.

Demografia

Grafic de l'evolucion demografica entre 1921 e 2007

Divisions administrativas

Los cantons

Nimes se dividís en sèt cantons.

Sièis d'elei an Nimes coma capluòc e son formats d'una part de la comuna
 

Lei sèt cantons de Nimes
Canton de Nîmes-1 32 947 habitants Conselhièr general Marie-Chantal Barbusse (UMP)	Canton de Nimes-2 29 961 abitants Conselhièr general Thierry Procida (NC)	Canton de Nimes-3 26 460 abitants Conselhièr general Christian Bastid (PCF)	Canton de Nimes-4 17 867 abitants Conselhièr general Laurent Burgoa (UMP)
Canton de Nimes-5 15 387 abitants Conselhièr general Franck Proust (UMP)	Canton de Nimes-6 21 004 abitants Conselhièr general Bernard Auzon-Cape (DVG)	Canton de La Vistrenca (7en canton de Nimes) 22 005 abitants de total (dels que Nimes: 466 abitants) Conselhièr general Jean Yannicopoulos (UMP)

Las circonscripcions

Nimes es dividida en doas circonscriptions legislativas:

• 1a circonscripcion de Gard (que compren los cantons de Nimes 1, 3, 4, 5, 6 e 7), deputat: Yvan Lachaud (Nouveau Centre)
• 2a circonscripcion de Gard (que compren lo canton de Nimes 2), deputat: Étienne Mourrut (UMP)

Patrimòni e monuments

Leis Arenas

L'Ostau Cairat

La Torre Manha

Lo Temple de Diana

• Leis Arenas

Bastit a la fin dau primièr sègle aprèp J-C, l’anfiteatre de Nimes, l'un dei melhors servats mondialament, mesura 133 mètres de long e 101 mètres de larg. La faciada, auta de 21 mètres, es facha de dos nivèls de 60 arcadas cadun. A l'endedins, aperaquí 25 000 espectadors podián assistir aus combats d'animaus e de gladiadors. Uèi, leis arenas, luòc de prestigi, se transforman regularament en una sala granda d'espectacle ont leis artistas franceses e d'autres païses venon far de representacions. Constituisson a mai lo còr de las fèrias de Nimes, que las corridas i reunisson de milierats d'espectadors. Se pòt considerar coma l'edifici d'aquesta mena melhor conservat del mond. Un programa de sauvagarda e de restauracion dau monument es a se botar en plaça.

• Torre Manha

Es un dei vestigis mai importants e vesedors de l'anciana encencha romana de Nimes. La Torre Manha senhoreja lei Jardins de la Fònt sus lo mont Cavalièr. De forma octogonala, aquesta torre que foguèt la mai auta e prestigiosa de l'encencha romana augusteana compreniá tres nivèls ensús d’un sosbassament. Actualament, s'elèva doncas a 32 mètres dau sòu ja que li manca lo darrièr nivèl. Quand lo temps es clar, presenta un ponch de vista ideau que permet de vistalhar lo mont Ventor, leis Aupilhas, Cevenas, lo mont Augal, lo puèg de Sant Lop e la plana de Vistre, e segur la garriga, païsatge abituau de l'environa.

• Temple de Diana

Aqueste monument, que se pensava popularament qu'èra un temple e que ne sèrva encara lo nom, data dau sègle II aprèp J.C. Se tròba dins la part bassa dei Jardins de la Fònt, pro prèp de la quita font. Èra encara entièr a la mitat dau sègle XVI qu'i encabissiá una capèla. Lei religioses ne foguèron fòrabandits quand se produguèron lei guèrras de religion. Es lo solet monument servat (en part) dins l'ensems del santuari roman dedicat au culte imperiau e ai lésers a l'entorn de la fònt sagrada. Sa foncion originala exacta demòra encara parcialament desconeguda a mai se se pensa actualament qu'èra puslèu un edifici de vocacion culturala, coma per exemple una bibliotèca.

• Jardins de la Fònt

• Pòrta d'August

Es una construccion romana bastida au sègle I ab. J.-C. En 1840, venguèt monument istoric.

Personalitats de Nimes

• Antòni Bigòt (1825-1897), autor prefelibrenc.
• Robèrt Lafont (1923-2009), escrivan, lingüista e teorician occitanista.
• Joan Rebolh (1796-1864), escrivan prefelibrenc.
• Loís Romieu (1829-1894), escrivan prefelibrenc.