Òrb

Un article de Wikipèdia, l'enciclopèdia liura.
Anar a : navigacion, Recercar
Òrb
Òrb a Ròcabrun

Caracteristicas
Longor 135,4 km
Bacin 1 330[1] km2
Bacin collector Mar Mediterranèa
Debit mejan 23,6[2] m3⋅s-1 ((Besièrs))
Riu
Font escandòrgue
S'escampa dins Mar Mediterranèa
Geografia
Païses traversats França, Occitània

Òrb es un riu costièr d'Occitània, en Lengadòc que se geta dins la Mar Mediterranèa.

A sa font dins los monts d'Escandòrgue dins una comuna pròcha del vilatge de Tiudaç. Entre Selha e Rocosèls e Avèna, emplís la restanca d’Avena, abans de rajar per las gòrjas d'Òrb fins al Bosquet. A Bedarius, lo fluvi vira cap a l’oèst per contornar los monts de Faugièiras. Après aver passat la vila termala de L'Amalon, vira cap al sud a Tarassac ont i a lo jonhent amb Jaur, e davala per de gòrjas estrechas per passar al pè dels vilatges de Viuça e Ròcabrun. Qualques quilomètres après Cecenon, rejonh la plana besierenca e atenh Besièrs ont crosa lo Canal de las Doas Mars. Es rejonch pel riu de Liron al pè del pont vièlh. Aperaquí 15 km après Besièrs, Òrb se geta dins la mar Mediterranèa a Valrans.


Òrb a Besièrs

Referéncias[modificar | modificar la font]

  1. http://services.sandre.eaufrance.fr/Courdo/Fiche/client/fiche_courdo.php?CdSandre=Y25-0400
  2. http://www.rdbrmc.com/hydroreel2/station.php?codestation=168