Catedrala de Sant Nasari (Besièrs)

Un article de Wikipèdia, l'enciclopèdia liura.
Anar a : navigacion, Recercar
Vista de la catedrala de Sant Nasari

La catedrala de Sant Nasari e Sant Cèls es lo monument pus important d'estil gotic de Besièrs. Siaguèt bastida dins la part oèst de l'anciana ciutat medievala, sus un truc que domina la plana d'Òrb. A l'endrech ont se tròba lo bastiment se sap qu'existiguèt un ancian temple roman qu'èra dedicat a l'emperador August e a sa molhèr Lívia. I a d'atestacions escrichas de la preséncia d'un edifici tre lo sègle VIII e una glèisa romanica i èra situada que foguèt destrucha en 1209 del temps del chaple de Besièrs. Quauque temps aprèp se tornèt construire lo bastiment qu'es la catedrala actuala.

Es un dels monuments pus simbolics de la localitat, e se pòt véser de fòrça luènh, subretot dempuèis la rota de Narbona.

La catedrala siaguèt classificada dins los monuments istorics en 1840.