Stanley Kubrick

Stanley Kubrick
Stanley Kubrick

Naissença

26 de julhet de 1928

Decès

7 de març de 1999 (70 ans)

Nacionalitat

Americana

Profession(s)

Fotograf
Realizator
Scenarista
Productor

Filmes notables

Los Dralhòls de la glòria
Espartac
Lolita
Doctor Folamor
2001, una odissèa de l'espaci
A clockwork orange
Barry Lyndon
The Shining
Full Metal Jacket
Eyes Wide Shut

Conjunt(a)

Toba Metz (1948-1951)
Ruth Sobotka (1954-1961)
Christiane Kubrick (1961–1999)

Enfant(s)

Anya Kubrick (1959-2009)
Vivian Kubrick (1960)

Sit web

[1]

Recompensa(s)

Oscar dels melhors efièches visuals
BAFTA Awards
DGA Award
Leopard d'aur al Festenal de Locarno

Ficha IMDb

Identificants

ULAN

Wikimedia Commons prepausa de documents multimèdia liures sus Stanley Kubrick.

Stanley Kubrick (nascut a Nòva York, USA, e defuntat a Harpenden, Anglatèrra, 1928-1999) foguèt un cineasta (realizator, scenarista, director de la fotografia,productor) american.
Trabalhèt fòrça en Grand Bretanha e sos filmes mai coneguts son: Spartacus ...Espartac (1960) (4 Oscars), 2001, una odissèa de l'espaci (1968) (1 Oscar), A clockwork orange ...Irange mecanic (1971), Barry Lyndon (1975) (4 Oscars), e autres.

Somari

1 La Vida
- 1.1 Primièrs ans
2 L'Òbra cinematografica
- 2.1 citacions
3 Los Caps d'òbra
- 3.1 citacions
4 Resson critic
- 4.1 resson critic als EUA
  - 4.1.1 citacions
- 4.2 resson critic endacòm mai
  - 4.2.1 citacions
5 Citacions
6 Prèmis e guerdons
7 Filmografia
8 Bibliografia
9 Vejatz tanben
10 Ligams extèrnes
11 Ligams videografics
12 Nòtas e referéncias

La Vida[modificar | modificar la font]

Primièrs ans[modificar | modificar la font]

Stanley Kubrick nasquèt lo 26 de Julh, de 1928, dins lo quartièr de Bronx, a Nòva York, primièr dels dos mainatges de Jacques (Jacob) Leonard Kubrick (1901–85) e de sa molher Sadie Gertrude (nascuda Perveler; 1903–85), que ambedós èran josieus. Sa sòrre, Barbara Mary Kubrick, nasquèt en 1934. Jacques Kubrick, que sos parents e grands paternal èran d'origina polonesa, austriaca, e romanesa, èra doctor. Quand aviá dotze ans, son paire li crompèt un jòc d'escacs. Aquò vendrà una passion per el que se retròba dins mantunas scènas de sos filmes. Kubrick expliquèt l'interès dels escacs per el dins aqueles tèrmes: "Se los escacs an pas de relacion amb lo fach de far de filmes, es quicòm que vos ajuda a desvolopar paciéncia e disciplina per causir entre diferentas alternativas a un moment ont una decision impulsiva semblariá pus aisida." Quand aviá tretze ans, lo paire li crompèt un aparelh de fòto Graflex, provocant aital una fascinacion per la fotografia. Adolescent, Kubrick s'interessèt al jazz, e aguèt brevament ibèa de venir bateire. Decebut que Stanley capitèsse pas sos estudis lo paire l'encoratgèt a legir a l'ostal mentre que li permetiá tanben de s'interessar seriosament a la fotografia. En abrial de 1945, a l'atge de 16 ans, capitèt de vendre a la revista Look una fotografia d'un vendeire de jornals plorant après la mòrt de Franklin D. Roosevelt, que prenguèt mentre que se rendía al licèu. La cap redactritz l'engatgèt coma fotograf independent, " per pietat" çò diguèt mai tard. Stanley Kubrick i trabalhèt durant quatre ans e i aprenguèt las basas del mestièr, la composicion d'un imatge, los esclairatges, l'usatge dels exteriors e l'art de sasir lo movement^[1]. Puslèu perfeccionista, li arriba de prene mai de cent vistas per realizar una sola fòto^[2]. Grand amator de bòxa, son primièr reportatge titolat Prizefighter (Lo Professional) conta una jornada de la vida del boxaire Walter Cartier. Aquel trabalh serà a l'origina de son primièr filme : Day of the Fight.

En 1947, a l'atge de 18 ans, se maridèt amb una amiga se sa classa de la Taft High School, Toba Metz. S'installèron dins Greenwich Village dos ans pus tard^[3].