Adolphe Menjou

Un article de Wikipèdia, l'enciclopèdia liura.
Adolphe Menjou amb Kirk Douglas dins Lei Sendiers de la Glòria de Stanley Kubrick.

Adolphe Menjou (18 de febrier de 1890, Pittsburgh - 29 d'octòbre de 1963, Los Angeles) es un actor estatsunidenc actiu deis ans 1910 ais ans 1960. Fiu d'un Francés emigrat a Nòva York, joguèt sovent de ròtles de personatges francés e sa filmografia compren un centenau de títols. Tenguèt de ròtles segondaris dins d'òbras importantas coma Comedianas d'Ernst Lubitsch (1924), Còrs cremats de Josef von Sternberg (1930), l’Opinion publica de Charlie Chaplin (1931) e lei Sendiers de la Glòria de Stanley Kubrick (1957). De mai, durant sa carriera, joguèt amb d'estars coma Kirk Douglas, Marlene Dietrich, Gary Cooper, Janet Gaynor e Fredric March. Nomat per l'Oscar dau melhor actor en 1931, recebèt l'estela 6826 de l'Hollywood Walk of Fame.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]