Cinèma

Tièra de 1000 articles que totas las Wikipèdias deurián aver.
Un article de Wikipèdia, l'enciclopèdia liura.

Los fraires Lumière

Lo cinèma (del grèc: kíνημα, movement), lo ciné,[1] abreviacion de cinematograf, es la tecnica de projeccion d'imatges d'un biais rapid e successiu que crèa l'impression de movement (kino en grèc significa "movement", e graphos significa "escriure" o "gravar") ; es tanben l'art de produire d'òbras en utilizant aquela tecnica.

Es apelat tanben lo seten art, pr'amor que amassa la musica, la dança, lo teatre e la pintura, es aital l'art de totas las arts.

Lo cinèma es plan antic, que ja en epòcas primitivas se faguèron espectacles prèp del fuòc, al canton, ont se simulavan sons amb la boca e movements amb las mans. Las representacions amb mariòtas e ombras chinesas o dins las lantèrnas magicas son d'antecedents del cinèma coma lo coneissèm ara.

Çò qu'actualament li ne disèm de cinèma es possible gràcias a l'invencion del cinematograf pels fraires Lumière a la fin del sègle XIX. Aquò permetèt d'enregistrar totas aquestas composicions de movement e passèron d'èsser simultanèas a venir salvadas per la posteritat.

Lo 28 de decembre de 1895 aguèt luòc la primièra projeccion comerciala de cinèma[2], organizada pels fraires Lumière dins lo Grand Cafè, a París.

Nòtas e referéncias[modificar | Modificar lo còdi]

  1. Academia Occitana-Consistòri del Gai Saber. . «"Ciné", mot normatiu segon l'AO-CGS» (en occitan).
  2. Ja una projeccion privada en pichon comitat s'èra facha a Lion en març de la meteissa annada.