Vejatz lo contengut

Gijonet

Un article de Wikipèdia, l'enciclopèdia liura.
Vilatge d'Occitània
Gijonet
Gijounet

Glèisa de Gijonet.
Geografia fisca
43° 42′ 55″ N, 2° 36′ 59″ E
Superfícia15,13 km2
Altitud minimala530 m
Altitud560 m
Altitud maximala1 060 m
Geografia politica
Modifica el valor a Wikidata
Carte
País Lengadòc
ContradaCaunés
EstatBandièra de França França
Region
76
 Occitània
Departament
81
Tarn Armas del departament de Tarn
Arrondiment
812
Castras
Canton
8115
Las Tèrras Nautas d'Òc, ancianament de La Cauna
Intercom
248100661
Comunautat de comunas Monts de La Cauna e Montanha del Naut Lengadòc SIREN 200066553
CònsolHugues Delori
(febrièr 2015-2020 remplaça Robert Sire, mòrt en foncion)
Demografia
• Populacion131 ab. (2018)
Densitat8,66 ab./km²
Informacions complementàrias
Còdi postal81530
Còdi INSEE81103
gijounet.fr Modifica el valor a Wikidata

Gijonet[1],[2],[3],[4] (Gijounet en francés) es una comuna lengadociana en Caunés situada dins lo departament de Tarn e de la region d'Occitània, ancianament de Miègjorn-Pirenèus.

Geografia[modificar | Modificar lo còdi]

La comuna de Gijonet es situada en Caunés a 45 km de Castras. Traversada pel Gijon, s'estend sus 15,13 km² e regropa los masatges de Gijonet, Calosa, Ornac, Gijon, Talpairac, Combacauda e Malefaièra.

Perimètre del territòri[modificar | Modificar lo còdi]

Toponimia[modificar | Modificar lo còdi]

Lo nom de Gijonet es un diminutiu del de Gijon (masatge de la comuna), del nom identic al nom del riu Gijon; Gijon vendriá del nom latin d'òme Gigius amb lo sufixe -onem [5] (se lo masatge dona son nom al riu e non pas al revèrs).

Istòria[modificar | Modificar lo còdi]

A l'Edat Mejana, Gijonet èra dins l’anciana vigariá del Gijon, mencionada dempuèi 993. Los de Galands, senhors de Barre e Gijonet, regnèron sul borg e lo castèl pendent mai de dos sègles. Al mièg del sègle XVII, balhèron lor senhoriá als Borbon-Malausa de Lacasa e se gardèron dins lo masatge de Calosa. A l'epòca, Gijonet èra administrada per dos cònsols, nomenats cada an pel senhor. Las familhas borgesas èran: los Nairacs armadurièrs de Gijonet dont es eissida una dinastia de celèbres negociants bordaleses, los Rabauds, familha de juristas de Gijon, e los Carcenacs, mercands d’Ornac qui d'ont es essida una familha de negociants e banquièrs parisencs.

Administracion[modificar | Modificar lo còdi]

Lista dels cònsols successius
Periòde Identitat Etiqueta Qualitat
decembre 2015 2020 Hugues Delori    
març 2014 3 d'octobre 2015[6] Robert Sire    
febrièr 2009 2014 Hugues Delori    
1998 2009 Jean Choulet    
1971 1998 Denis Vayrette    
  1971      
Totas las donadas son pas encara conegudas.
  • Abans la refòrma cantonala de 2014, aplicada en 2015, la comuna èra del canton de La Cauna; es ara del canton de Les Hautes Terres d'Oc (en francés), donc Las Tèrras Nautas d'Òc.

Demografia[modificar | Modificar lo còdi]

modificar « persona »
 v · d · m 
Evolucion demografica
Populacion comunala actuala (2013): 119, totala: 124

1793 1800 1806 1821 1831 1836 1841 1846 1851
504 321 481 622 631 695 730 854 825

1856 1861 1866 1872 1876 1881 1886 1891 1896
753 761 705 703 740 686 666 658 648

1901 1906 1911 1921 1926 1931 1936 1946 1954
660 620 580 477 415 360 347 298 223

1962 1968 1975 1982 1990 1999 2006 2007 2008
190
139
109
110
114
125
134
135
135
137
2009 2010
140
142
134
140
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE
Evolucion de la populacion 1962-2008
Evolucion de la populacion 1962-2008


Luòcs e monuments[modificar | Modificar lo còdi]

  • Ostals dels sègles XVI e XVII
  • Avenc de Gorp Fumant
  • Avenc sepultural de Mauray
  • Temple de 1849
  • Glèisa de 1881

Personas ligadas a la comuna[modificar | Modificar lo còdi]

  • Benezech, Jules (1891-1971) : natiu de Viana, proprietari a Gijon, cofondator de la societat Motobécane.
  • Carcenac, Henri ( - ) : familha d'Ornac, cònsol del 2nd arrondiment de París de 1871 a 1882.
  • Étienne Fajon (1906-1991) : familha mairala de Gijonet, cap del Partit Comunista Francés, director del jornal l'Humanité de 1958 a 1974.
  • Nairac, Pierre-Paul (1732-1814) : familha de Gijonet, negociant bordalés, deputat de l'Assemblada Constituenta en 1790.
  • Nairac, Jean-Baptiste (1738-1817) : fraire del precedent, negociant bordalés, membre del Conselh dels Cinc Cents.
  • Rabaud, Jacques (1737-1794) : familha de Gijon, negociant marselhés, guilhotinat a la Revolucion.
  • Rabaud, David-Jacques (1785-1849) : filh del precedent, negociant, banquièr, cònsol de Marselha en 1824, conselhièr general de las Bocas de Ròse.
  • Rabaud, Alfred (1828-1886) : filh del precedent, fondator de la Societat de Geografia de Marselha.

Torisme[modificar | Modificar lo còdi]

  • Taula d'orientacion de Rocanièra.
  • Camin Verd del Pichon Tren .
  • 65 km de camins d'excursions pels bòsques e èrms.

Nòtas e referéncias[modificar | Modificar lo còdi]

Referéncias[modificar | Modificar lo còdi]

  • (fr)Marc Sicard, Des Monts de Lacaune au grand négoce : les familles Cabannes, Bonnafé, Nairac et Rabaud, Èditions CRPR, 2009.
  • (fr)Georges Congnard, La famille Nairac, Éditions CRPR, 2010.
  • (fr)Divers articles publiés dans les Cahiers de Rieumontagné - Éditions CRPR.
  • Archius de la vila de Gijonet.

Nòtas[modificar | Modificar lo còdi]

  1. Pojada, Patrici. Repertòri toponimic de las comunas de la region Miègjorn-Pirenèus. Nouvelles Éditions Loubatières, 2009. ISBN 978-2-86266-573-3. 
  2.  Toponimia occitana.
  3. Congrès permanent de la lenga occitanaTop'Òc: Diccionari toponimic occitan.
  4. Institut d'Estudis OccitansBdTopoc–Geoccitania.
  5. Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 319
  6. Mòrt en cors de mandat (La Dépêche du Midi, 5 octobre 2015)

Vejatz tanben[modificar | Modificar lo còdi]

Articles connèxes[modificar | Modificar lo còdi]

Ligams extèrnes[modificar | Modificar lo còdi]

Wikimedia Commons prepausa de documents multimèdia liures sus Gijonet.