Economia de Sri Lanka
| Economia de Sri Lanka | |
| Moneda | Ropia de Sri Lanka |
|---|---|
| Organizacions comercialas | OMC, SAFTA |
| Estadisticas[1] | |
| PIB | USD 104,7 miliards (2010) |
| Reng PIB | 69ena granda |
| Creissença del PIB | 6,9% (2010) |
| PIB per càpita | 4.900 (2010) |
| PIB per sector | agricultura 32,7%, industria 26,3%, comèrci e servicis 57,6% (2010) |
| Inflacion | 5,6%(2010) |
| IDH | cap d'informacions |
| Populacion jol lindal de pauretat | 23% (2010) |
| Fòrça de trabalh | 8,1 milions (2010) |
| Fòrça de trabalh per ocupacion | agricultura 32,7%, industria 26,3% comerç e servicis 41% (2008) |
| Caumatge | 5,4% (2010) |
| Partenaris comercials[1] | |
| Expòrts | 7 908 milions (2010) |
| Sòcis principals | Estats Units 20,59%, Reialme Unit 12,87%, Itàlia 5,51%, Alemanha 5,29%, Índia 4,54%, Belgica 4,43% (2009) |
| Impòrts | 11,6 miliards (2010) |
| Sòcis principals | Índia 20,73%, Republica Populara de China 13,45%, Singapor 7,26%, Iran 6,7%, Corèa del Sud 5,23% (2009) |
| Finanças publicas[1] | |
| Deute extèrne | 17,97 miliards (2010) |
| Revenguts | USD cap d'informacions |
| Despensas | 11 180 milions (2010) |
modificar  |
|
L'economia de Sri Lanka es dependenta principalament de l'exportacion de produchs primaris, coma lo tè, lo cauchó e sos derivats. La posicion geografica de l'isla fa que la siá capitala, Colombo, siá un dels pòrts mai importants del Ocean Indian.
Dempuèi 1977, lo país a cambiat, en quitant un modèl economic socialista per adoptar un modèl d'economia de mercat, orientat vèrs l'exportacion. Lo 1983 s'inicièt una guèrra civila entre las etnias cingalesa e la minoritat tamil, que s'esperlonguèt fins a 2009 en causant de grands damatges a l'economia del país. Mas malgrat la guèrra, lo produch interior brut del país cresquèt gaireben 5% a l'an en los darrièrs 10 ans. Las despensas del govèrn en desvolopament e en lo combat als Tigres de Desliurança de Tamil Eelam faguèron amb que lo PIB cresquèsse gaireben 7% a l'an entre 2006 e 2008[1].
Lo sector primari ocupa près de la mitat de la populacion activa. Los principals produchs agricòlas son lo te (que n'es lo tresen productor mondial), l'arròs, lo cauchó e lo coco.
Lo sector segondari ocupa solament un sièisen de la populacion activa. Las indústrias extractivas principalas son lo grafit (primièr productor mondial), las pèiras preciosas de la region de Radnapura e la sal comuna (Anayiravu, Puttalam, Palaviya). Mai interès economic an l'ilmenita e mineralas parionas, extraches dels sables. Las indústrias manufactureras son pauc desvolopadas, e la majoritat derivan de las activitats agropecuarias coma la produccion de copra, de sucre, òlis, de la pèl, lo cauchó (pneumatics), de la fusta e lo papièr, la cervesa, lo tabac e lo coton. Autras indústrias destacadas son las del ciment e lo bastiment, la refinatge de petròli e autras indústrias quimicas (fems, produchs farmaceutics), ceramica e siderurgia, mas se tròban frenadas per la manca d'energia. Las principalas indústrias son localizadas a Colombo, Maha Nuwara e Jaffna.
L'estat encoratja tanben los investiments estrangièrs.
Nòtas & referéncias
[modificar | Modificar lo còdi]- ↑ 1,0 et 1,1 The World Factbook Consultat lo 26 de març 2011
