Cauchó
Lo cauchó (AFI: [kawˈt͡ʃu]) es una matèria que se pòt obtenir per la transformacion del latèx secretat naturalament per d'unes vegetals (per exemple, l'evea), o de manièra sintetica (nomenat elastomèra)
Istòria
[modificar | Modificar lo còdi]L'istòria del cauchó comença plan abans la fin del sègle XV, quand amb las grandas descobèrtas, los europèus començan d'observar, en America Centrala e en America del Sud, l’usatge secular que fasián las populacions localas d'una matèria alara desconeguda en Euròpa. Provenent del latèx secretat naturalament per d'unes vegetals - coma l’evea e lo guaiulo - , aquesta substància ten d'usatges variats: pelòtas, bòtas, telas enduchas, botelhas, gants, preservatius... Es l'invencion dels pneumatics (apiejada mai tard per l'explosion de la produccion automobila) e lo succès de las bicicletas que provoquèron lo "bom" de la produccion de cauchó a la fin del sègle XIX.
Mòdes de fabricacion
[modificar | Modificar lo còdi]Lo cauchó natural s'obten per calhament del latèx d'unes vegetals, mai que mai de l'evea, Hevea brasiliensis, familha de las ginosclas (euphorbiaceae), venent d'Amazonas. La collecta es facha per la talha de la rusca dels troncs de manièra que lo latèx, venent dels canals lactifèrs, raja dins de gòts. En Amazonas, es lo trabalh dels seringueiros. Lo latex reculhit pòt èsser ara estabilizat amb d'amoniac e concentrat per demesir sa tenor en aiga.
La cultura de l'evèa, venent d'America del Sud, se desvolopèt dins lo sud-èst asiatic e, pus modestament, en Africa Eqüatoriala (Nigèria, Còsta d'Evòri, Cameron).
Plantas amb latèx permetent de far lo cauchó
[modificar | Modificar lo còdi]- l'evea (Hevea brasiliensis)
- Lo cauchó (Ficus elastica)
- lo guaiulo (Parthenium argentatum)
- lo pissalach de Russia (Taraxacum kok-saghyz)
Formulacion e vulcanizacion
[modificar | Modificar lo còdi]Lo cauchó, natural o sintetic, es gaireben totjorn mesclat amb d'autres ingredients :
- de cargas renfortissentas o non, la principala es lo negre de carbòni (d'ont la color dels produches eissits del cauchó). Las cargas renfortissentas melhoran la resisténcia mecanica, la resisténcia a l'abrasion. Per esquivar la color negra, s'utiliza de cargas blancas coma lo silici precipitat, las argilas, e la greda trissada.
- d'òlis, o de plastificants,
- d'agents de parament contra los UVs o la lutz,
- de produits per la vulcanizacion (sofre, oxid de zinc, abrivador, peroxides, els.)
- de produits divèrs coma colorants, agents conflaires, antifuòcs, els.
Produccion
[modificar | Modificar lo còdi]|
Cauchó natural (Evèa) | |||||
| Tailàndia | 2 860 966 | 33 % | 3 156 958 | 32 % | |
| Indonesia | 2 202 802 | 26 % | 2 350 000 | 24 % | |
| Malàisia | 985 600 | 11 % | 1 283 600 | 13 % | |
| Índia | 694 000 | 8 % | 831 000 | 8 % | |
| Vietnam | 384 000 | 4 % | 546 100 | 5 % | |
| China | 565 045 | 7 % | 538 000 | 5 % | |
| Total | 8 593 968 | 100 % | 9 914 744 | 100 % | |
La produccion mondiala de cauchó passa los 21 milions de tonas.