Economia d'Àustria
| Economia d'Àustria | |
.svg)  | |
| Moneda | Euro |
|---|---|
| Organizacions comercialas | OMC, Union Europèa, OCDE |
| Estadisticas[1] | |
| PIB | USD 396.8 miliards (2014) |
| Reng PIB | 46ena granda[2] |
| Creissença del PIB | 0.4% (2014) |
| PIB per càpita | 46 600 (2014) |
| PIB per sector | agricultura 1.4%, industria 28.1%, servicis 70.5% (2014) |
| Inflacion | 1.5%(2014) |
| IDH | cap d'informacions |
| Populacion jol lindal de pauretat | 4.2% (2013) |
| Fòrça de trabalh | 3 823 000 (2014) |
| Fòrça de trabalh per ocupacion | agricultura 5.5%, industria 26%, servicis 68.5% (2012) |
| Caumatge | 5.6% (2014) |
| Partenaris comercials[1] | |
| Expòrts | 170.1 miliards (2014) |
| Sòcis principals | Alemanha 30.4%, Itàlia 6.5%, França 5%, Estats Units 4.7%, Soïssa 4.5%, Eslovaquia 4.2% (2014) |
| Impòrts | 172.5 miliards (2014) |
| Sòcis principals | Alemanha 41.9%, Itàlia 6.5%, Soïssa 4.6%, Chequia 4.3%, Païses Basses 4.1% (2014) |
| Finanças publicas[1] | |
| Deute extèrne | 24.94 miliards (2014) |
| Revenguts | USD cap d'informacions |
| Despensas | 228.4 miliards (2014) |
Àustria es venguda un estat membre de l'Union Europèa lo 1èr de genièr de 1995, e es la 4ena economia del blòc per òrdre d'importància. Lo país, amb la siá fòrt economia de mercat e naut padron de vida, a de ligams estreches amb d'autres païses de l'Union Europèa, especialament Alemanha. La siá economia a un fòrt sector de servicis, un expressiu sector industrial e una agricultura pichona, mas plan desvolopada[1]. Lo país tanben es fòrça beneficiat de relacions comercialas fòrtas, especialament en los sectors bancari e d'assegurança, amb païses de l'Euròpa Centrala, Orientala, e del sud-èst.
Aprèp divèrses ans de demanda estrangièra solida, recòrds d'exportacions e creissença de l'emplec, la crisi financièra internacionala e recession economica globala en 2008 portèt a una recession que persistiguèt fins al tresen trimèstre de 2009[1]. Lo PIB sofriguèt una reduccion de 3,9% aquel an, mas creissèt 2% l'an seguent e 3% lo 2011.[1] Lo caumatge creissèt pas tant quant dins autras zònas de l'UE, en partida a causa dels subsidis del govèrn perque las entrepresas apliquèsson la reduccion de la jornada laborala sens far de demissions.[1] Las mesuras d'estabilizacion e d'estimulacion plan aital una reduccion en l'impòst a la renda resultèron un aument del deficit budgetari de 4,7% lo 2010 e 3,6% lo 2011, comparat a a pena 1,8% lo 2008.[1]
Àustria impòrta principalament maquinas e equipaments, veïculs de motor, produchs quimics, produchs de metal, aliments, petròli e derivats, e expòrta màquinas e equipaments, veïculs e parts, papièr e derivats, produchs de metal, produchs quimics, fèrre e acièr, textils e aliments.
