Mansonvila

Vilatge d'Occitània

Mansonvila
Mansonville

La glèisa de Sent Sarnin.

Geografia fisica

Coordenadas

44° 01′ 03″ N, 0° 50′ 30″ E

Superfícia

15,45 km²

Altituds
· Maximala
· Mejana
· Minimala

202 m
110 m
67 m

Geografia politica

Gasconha

Lomanha

França

Garona Lomanha Brulhés (La Vit de Lomanha abans 2015)

Intercom
248200065

CC de las Duas Ribas

Cònsol

Christian Berthet
(2020-2026)

Geografia umana

Populacion
Populacion totala
(2018)

290 ab.

Evolucion de la populacion

294 ab.

Densitat

18,25 ab./km²

Autras informacions

Còde postal

82120

Còde INSEE

82102

Mansonvila^[1]^,^[2]^,^[3]^,^[4] (Mansonville en francés) es una comuna gascona de Lomanha, situada dens lo departament de Tarn e Garona e la region d'Occitània, ancianament de Miègjorn-Pirenèus.

Geografia

Perimètre deu territòri

Comunas confrontantas de **Mansonvila**
Sent Antòni deu Pont d'Arrats (Gers)		Bardigas
Flamarens (Gers)		Lo Casterar (deu Boset)
Pèiracava (Gers)	La Capèra	Sent Joan deu Boset

Toponimia

Mansonvila. Las fòrmas ancianas son nombrosas : Sancta Maria de Mansiovilla, en 1062, Mansionvilla, en 1081, ecclesia sancti Saturnini Mancio Villa, en 1096, Mansionisvilla, en 1097, Raimundi Seguini de Manso Vila, en 1135, Sancti Saturnini de Mansionis Villa, en 1240, lo castet e la honor de Mançumuila, en 1274, codominis de Manconisvilla, en 1343, Mantonisvillae, en 1381, Mansonvilla, en 1532 e 1645, Sanctus Saturninus de Mansionis Villae, en 1645, ab la senhoria de Mansonvila, sense data. Lo segond element, vila, ven deu latin villa, a l'origina « ostau de campanha », puèi « domeni rurau », « vilatge » a l'Edat Mejana per arribar au sens actuau ^[5]. Meilèu que lo latin mansio, « abitarèla, aubèrga », lo prumèr element seré un nom de persona germanic, cas generau damb vila, Manzo (Dauzat) o Menizo (Negre), los dus au cas regime, donc acabats per -on ^[5]. Dens aquera partida de Gasconha, i a pas lo resultat de la diftongason de villa en vièla o en viala com dens plan de parlars occitans; vila es donc ua fòrma estandardizada.

Gresàs (grafia de Burgan e Lafon, que correspon a la prononciacion [gre'zas]). Las fòrmas ancianas son la gleya de Gresan, en 1265, Gresaca en 1318, Sanctus Orentius de Grezas, Grezas (mapa Cassini e en 1801). Lo nom es un derivat deus mots occitans gres (nom d'una ròca) e gresa, « terrenh peirós », deu francic greot, « grava, sable », damb lo sufixe -anum. Un còp lo nom au plurau, damb un sens collectiu ^[5] (los abitants de Gresan), l' n s'amudeish davant l's.

Istòria

En 1821, lo territòri de la comuna de Grezas (nom francés, occitan Gresàs) estó annexat a Autvilar ^[6], a Mansonvila (la glèisa i es) e benlèu a d'autas comunas (Burgan e Lafon senhalan parroquians de Gresàs a Bardigas e a Sent Antòni deu Pont d'Arrats per l'annada 1852 ^[5]).

Aquesta seccion es voida, pas pro detalhada o incompleta. Vòstra ajuda es benvenguda !

Administracion

Lista deus cònsols successius
Periòde		Identitat
març de 2008	2026	Christian Berthet
març de 2001	2008	Patrick Fontanini
març de 1971	2001	Pierre Chalupczak
març de 1965	1971	Francis Candelon
1952	1965	Cyprien Blanc
1944	1952	André Bourgade
1926	1944	Frédéric Meillon
1908	1926	Joseph Pierre Candelon
1896	1908	François Candelon
1881	1896	Jean-Jacques Régis
1876	1881	Jean-Pierre Vigneaux
1860	1876	Armand Dutemps du Gric
1848	1860	Alexandre Sentou
1848	1848	Guillaume Séverin Orliac
1835	1848	Jean Santon
1830	1835	Jean Gibili
1823	1830	Jean de la Garrière
1820	1823	Marc Louis Dutemps
1818	1820	Augustin Hérail
1808	1818	Jean Orliac
Totas las donadas non son pas encara conegudas.

Abans la refòrma cantonala de 2014, aplicada en 2015, la comuna èra deu canton de La Vit de Lomanha; es ara deu canton de Garonne-Lomagne-Brulhois (en francés), donc de Garona Lomanha Brulhés.