La Garda (Var)

Vila d'Occitània

La Garda La Garde
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Vista de nuech de La Garda.
Armas
Geografia fisica
Coordenadas	43° 07′ 32″ N, 6° 00′ 39″ E
Superfícia	15,54 km²
Altituds  · Maximala  · Mejana  · Minimala	206 m 30 m 0 m
Geografia politica
País	Provença
Estat	França
Region 93	Provença-Aups-Còsta d'Azur
Departament 83	Var
Arrondiment 832	Tolon
Canton 8342	La Garda (capluec puèi burèu centralizator)
Intercom 248300543	Metropòli de Tolon Provença Mediterranèa
Cònsol	Jean-Louis Masson (Jan Loís Masson) (2020-2026)
Geografia umana
Populacion Populacion totala (2018)	25 380 ab. Evolucion de la populacion 25 692 ab.
Densitat	1 627,93 ab./km²
Autras informacions
Còde postal	83130
Còde INSEE	83062
http://www.ville-lagarde.com/

La Garda, vista de nuech

La Garda (La Garde en francés) es una comuna provençala situada dins lo departament de Var e la region de Provença-Aups-Còsta d'Azur. Leis abitants si dison gardéens, -ennes en francés.

Geografia

Si situa a l'èst de Tolon, entre Marselha e Niça. Son territòri s'estende sus 1554 ectaras, despartidas coma aquò :

• 3 quilomètres de litorau
• 75 quilomètres de rotas e camins
• 642,5 ectaras d'urbanizacion
• 21,4 ectaras de bòscs
• 400 ectaras d'espacis verds urbans

Comunas a l'entorn.

Toponimia

La comuna de la Garda tenguèt son nom dau rocàs que, tre l'Antiquitat, servèt de gacha. Lo mot ven d'un vèrbe germanic wardon que donèt lo mot germanic wart, latinizat en warda o wardia, « garda », puèi « gacha  », puèi « torre de garda », puèi « fortalesa en generau » .

Istòria

La Garda possedisse de vestigis de l'Antiquitat e dau periòde roman.

Citat en 1056 sota lo nom de Guarda, lo castèu siguèt lo fèu deis evesques de Tolon au sègle XIII, dei Castelanas au sègle XV, puei senhoriá dei Glandeves puei dei Tomàs. Uèi ne'n sobra que la capèla e una torre d'angle.

Gacha de Tolon a l'Atge Mejan, la Garda subissèt d'invasions nombrosas mai tanben lei guèrras de religion. Siguèt saquejada en 1707 per lei tropas de Savòia au moment que son nom èra La Garda de Tolon.

Sant Maur, patron de la comuna, es en fach un òme nomat Maur que passèt d'aquí en 542. Afamat quand intrèt dins lo vilatge, una vièlha li donèt de pan e de cebas. Maur lei benesissèt e decidissèt qu'a partir d'aqueu jorn, lei cebas de la Garda aurián la doçor de la poma.

Ancian centre agricòla prospèr, la Garda venguèt banlèga urbana de Tolon. Dau rocàs d'andesita s'extraguèron lei caladas de Tolon.

Mai recentament, per "punir" la vila de Tolon de s'èstre liurada ais Anglés, Napoleon Bonaparte transferissèt lo quartier de Santa Margarita au vilatge de la Garda. Es per aquò que i a una comuna annèxa dins aquest quartier, un pauc alunchat dau centrevila administratiu.

Administracion

En 2010, la comuna de la Garda siguèt recompensada per lo labèl "Vila Internet @@@@".

Lista dei cònsols successius

Periòde		Identitat	Etiqueta	Qualitat
julhet de 2020	2026	Jean-Louis Masson	LR	retirat d'oficier de la gendarmariá, deputat (2017-2020), conselhier generau (2004-2015) puèi departamentau (2015-), 1er vice-president dau conselh departamentau (2015-2017)}}
març de 2020	julhet de 2020	Jean-Pierre Haslin	divèrs drecha	interim, quinesiterapèuta
julhet de 2017	març de 2020 (demission)	Jean-Claude Charlois	divèrs drecha	retirat de mètge
2001	julhet 2017 (demission)	Jean-Louis Masson	UMP, LR	filh de Louis Masson, retirat d'oficier de la gendarmariá, deputat (2017-2020), conselhier generau (2004-2015) puèi departamentau (2015-), 1er vice-president dau conselh departamentau (2015-2017)
setembre de 1977	2001	Yvon Robert	PCF	conselhièr generau dau canton de la Garda (1998-2004)
1962	setembre 1977	Maurice Delplace	PCF	conselhièr generau dau canton de La Valeta
març de 1959	1962	Louis Masson
abrièu de 1958	1959	Maurice Delplace	PCF	regent
1944	abrièu de 1958	Michel Zunino	PCF	negociant en vins, deputat de la 1ra e de la 2nda Assemblada constituanta (1945-1946) puèi deputat dau Var (1946-1955), conselhier generau dau canton de Tolon-4 (1949-1955)
	1944
Totas las donadas son pas encara conegudas.

Demografia

Evolucion demografica Populacion comunala actuala (2013): 25298, totala:
1793	1800	1806	1821	1831	1836	1841	1846	1851
1 050	2 263	2 288	2 329	2 353	2 572	2 321	2 429	2 875
1856	1861	1866	1872	1876	1881	1886	1891	1896
2 568	2 572	2 695	2 852	2 986	2 864	3 104	3 418	2 398
1901	1906	1911	1921	1926	1931	1936	1946	1954
2 791	2 961	3 037	2 827	3 048	3 095	3 792	4 066	5 021
1962	1968	1975	1982	1990	1999	2006	2007	2008
6 273	9 629	15 506	19 805	22 412	25 329	25 621	25 551	26 203 26 586
2009	2010
26 064 26 485	25 930 26 321
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• En 2018 la populacion èra de 25380 abitants.

Personalitats

• Jean Aicard (Joan Aicard) (Tolon 1848 - París 1921), poèta e autor dramatic, sòci de l'Académie française, restèt dins la comuna a la bastida "Lei Rosatges" a partir de 1864. Leguèt aquel ostau a Julia Pillore, critica d'art, tanben mairina de Marcel Duchamp e maridada au pintre Paulin Bertrand.

L'ostau venguèt lo rendètz-vos dei celebritats de l'epòca : Claude Michelet (Claudi Michelet), Émile Ollivier (Emili Ollivier), Frederic Mistral, Édouard Schuré, Ernest Reyer, Gaston Bonnier, Pierre Loti, Juliette Adam, Charles Richet, Antoine Albalat (Antòni Aubalat), etc.

• Dieudonné Jacobs, pintre impressionista.

Luecs e monuments

Glèia de Nòstra Dama de la Nativitat

Carriera de la vila vièlha

• Lo campus de l'Universitat de Sud Tolon Var si situa dins la comuna de la Garda.
• Lo licèu generau e tecnologic dau Codon si situa dins la comuna de la Garda.
• Lo vilatge vièlh de la Garda es en partida bastit sus un rocàs de natura volcanica. A l'Atge Mejan, aqueu rocàs serviá de promontòri au castèu de l'epòca. Mai la revolucion passèt d'ailà, lo castèu siguèt destruch e lo rocàs servèt de peiriera. Subsistís uèi dau castèu que la glèia romanica e una torre.

• 
  Torre e glèia romanica sus lo rocàs
• 
  Comuna
• 
  Jardin public
• 
  La capèla

Vèire tanben

• Comunas de Var