Trigança

Aqueste article es redigit en provençau.
Un article de Wikipèdia, l'enciclopèdia liura.

Vilatge d'Occitània
Trigança
Trigance
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Lo vilatge de Trigança dominat per lo castèu.
Armas
Geografia fisica
geolocalizacion
Coordenadas 43° 45′ 43″ N, 6° 26′ 41″ E
Superfícia 60,6 km²
Altituds
 · Maximala
 · Mejana
 · Minimala
 
1 270 m
800 m
630 m
Geografia politica
País  Provença
Estat Bandièra de França França
Region
93
Provença-Aups-Còsta d'Azur
Departament
83
Var Armas deu Departament de Var
Arrondiment
831
Draguinhan
Canton
8308
Flaiòsc (Comps d'Artubi avans 2015)
Intercom
000000010
CC de Lacs e Gòrgas de Verdon
Cònsol Stéphane Laval
(2020-2026)
Geografia umana
Populacion
Populacion totala
(2018)
200 ab.
Evolucion de la populacion
Evolucion de la populacion

204 ab.
Densitat 2,89 ab./km²
Autras informacions
Còde postal 83840
Còde INSEE 83142

Trigança (Trigance en francés) es una comuna provençala situada dins lo departament de Var e la region de Provença-Aups-Còsta d'Azur.

Situat dins la vau de Jabron, Trigança es un vilatge rurau que joís d'un clima mediterranèu moderat per l'altitud car lo territòri comunau si tròba entre 630 e 1 270 m au dessüs dau nivèu de la mar. Lo borg istoric presenta un abitat concentrat mai existís fòrça ostaus e tenements isolats. Mai de la mitat dau territòri comunau es cubèrt per de seuvas e lei zònas agricòlas o urbanizadas representan mens de 6% de l'utilizacion dei sòus.

La preséncia de l'èsser uman sus lo territòri de Trigança es atestada dempuei l'Edat dau Fèrre. Pasmens, fins a l'Edat Mejana, lei vestigis son rars. La premiera mencion dau vilatge data de 814 dins un document recensant lei possessions de l'Abadiá Sant Victor. Après aquela epòca, un castèu foguèt bastit sus una cima situada a 1 213 m d'altitud. En 1252, lo còmte de Provença i aviá de drechs. Au sègle XIV, la senhoriá foguèt atribuida a Joan de Raimondis. Puei, foguèt venduda a divèrseis ostaus de la region. Pasmens, lo castèu gardèt una certana importància car foguèt ocupat en 1746 per l'armada austriana qu'ataquèt Provença durant la Guèrra de Succession d'Àustria.

Durant la Revolucion, la premiera enquista demografica recensèt 701 abitants. Aqueu nombre agantèt un maximom de 816 en 1821 avans de declinar en causa de l'exòdi rurau. La populacion demeniguèt fins a 100 estatjants en 1960. Dempuei aquela data, es en leugiera aumentacion amb 203 abitants recensats en 2019[cal referéncia]. Dins aquò, lo vilatge es totjorn menaçat de desertificacion en causa de son isolament.

Lo patrimòni culturau dau vilatge illustra son istòria. Son element pus important es lo castèu de Trigança, un castèu medievau dau sègle XII que foguèt restaurat dins leis ans 1960-1970. Leis autrei monuments de remarca son d'edificis religiós, de lavadors, de pònts vièlhs e de fònts publicas.

Personalitats liadas amb la comuna[modificar | Modificar lo còdi]

Veire tanben[modificar | Modificar lo còdi]

Nòtas e referéncias[modificar | Modificar lo còdi]