Vejatz lo contengut

Castèuvièlh

Aqueste article es redigit en provençau.
Un article de Wikipèdia, l'enciclopèdia liura.
(Redirigit dempuèi Castèuvièlh (Var))

Vilatge d'Occitània
Castèuvièlh
Châteauvieux

Comba de Fòntfreia
Geografia fisca
43° 46′ 41″ N, 6° 34′ 44″ E
Superfícia14,97 km2
Altitud minimala843 m
Altitud1 040 m
Altitud maximala1 271 m
Geografia politica
Modifica el valor a Wikidata
Carte
País Provença
EstatBandièra de França França
Region
93
Provença-Aups-Còsta d'Azur
Departament
83
Var Armas deu Departament de Var
Arrondiment
831
Draguinhan
Canton
8308
Flaiòsc (Comps d'Artubi avans 2015)
Intercom
000000010
CC de Lacs e Gòrgas de Verdon
CònsolJulien Girard
(2020 - 2026)
Demografia
• Populacion81 ab. (2018)
Densitat5,41 ab./km²
Informacions complementàrias
Còdi postal83840
Còdi INSEE83040

Castèuvièlh (Châteauvieux en francés) es una comuna provençala situada dins lo departament de Var e la region de Provença-Aups-Còsta d'Azur.

Situat au nòrd dau departament a proximitat dau limit deis Aups de Provença Auta, Castèuvièlh es un vilatge relativament isolat que si situa a mai de 1 000 m d'altitud. Lo clima li es donc de tipe mediterranèu amb d'influéncias montanhardas marcadas. Coma lei vilatges vesins, son territòri es integrat dins lo Pargue Naturau Regionau de Verdon e dins la Resèrva Naturala Geologica d'Auta Provença. L'abitat es devesit a l'entorn d'un vilatge aut centrat a l'entorn de la glèisa e d'un vilatge bas organizat a l'entorn dau castèu. Aquela particularitat es liada a l'istòria trebolada de l'endrech.

D'efiech, poblat tre la Preïstòria, lo territòri de Castèuvièlh foguèt chausit per l'installacion au sègle XI o au sègle XII d'una abadiá de fremas que fasiá partida de l'òrdre de Cîteaux. L'endrech conoissèt son apogèu durant lo sègle XIV e foguèt destruch per lei tropas dau senhor brigand Ramon de Turena. En 1342, lo vilatge de Castèuvièlh es mencionat dins un document que sinhala son restacament a la vigariá de Castelana per lo còmte de Provença. Fèu de l'Ostau de Castelana, lo vilatge passèt entre lei mans de divèrsei familhas coma l'Ostau de Demandòus. En 1575, lo castèu e lo vilatge aut foguèron destruchs per lei tropas de la Liga Catolica menada per lo baron de Vins. Aquò entraïnèt la reconstruccion dau castèu dins lo vilatge bas.

En 1677, Castèuvièlh foguèt vendut a l'Ostau d'Arbaud de Castèuvièlh, un linhatge noble locau que conoissèt una certana favor dins leis armadas reialas durant lo sègle XVIII. Durant la Revolucion, aquela familha deguèt abandonar lo vilatge e son castèu foguèt sasit per leis autoritats. Pasmens, la veusa dau darrier senhor de Castèuvièlh posquèt recuperar sa proprietat en 1815. A sa mòrt, va donèt a sa cosina e lo castèu venguèt la proprietat de captaus de la region durant lo sègle XIX.

Lo vilatge declinèt lentament durant lo sègle en causa de l'exòdi rurau. La populacion passèt ansin de 166 abitants en 1806 a un minimom de 26 en 1968 e 1975. Dempuei aquela data, es en aumentacion leugiera amb 79 estatjants recensats en 2019[cal referéncia]. Dins aquò, lo vilatge es totjorn menaçat per la desertificacion. Gràcias a son istòria senhorala, l'endrech dispausa d'un patrimòni arquitecturau constituit per lo castèu dei senhors de Castèuvièlh entre lei sègles XVII e XVIII e per divèrseis edificis religiós.

Personalitats liadas a la comuna[modificar | Modificar lo còdi]

Veire tanben[modificar | Modificar lo còdi]

Nòtas[modificar | Modificar lo còdi]