John Steinbeck
| John Steinbeck | |
| File:John Steinbeck 1962.jpg | |
| Nom de naissença | (en) Jeffery Ernest Steinbeck  |
|---|---|
| Naissença | 27 de febrièr de 1902, Salinas, Califòrnia |
| Decès | 20 de decembre de 1968, Nòva York, Nòva York |
| Occupacion | escrivan |
John Ernst Steinbeck Jr. (Salinas, Califòrnia, 27 de febrièr de 1902 – Nòva York, 20 de decembre de 1968) foguèt un escrivan american. Steinbeck es un dels representants mai importants de la literatura americana de la primièra part del sègle XX gràcias a sas òbras de resson internacional coma The Grapes of Wrath publicada en 1939 que li faguèt ganhar lo Prèmi Pulitzer e d'East of Eden en 1952, que coneguèron d'adaptacions cinematograficas.
Sa produccion de qualitat li valguèt de recebre lo Prèmi Nobel de Literatura en 1962.
Biografia[modificar | Modificar lo còdi]
John Steinbeck nasquèt lo 27 de febrièr de 1902 dins la vila de Salinas, situada dins l'estat nòrd-american de Califòrnia, filh d'immigrants alemands e irlandeses. Estudièt al primari e segondari dins la siá localitat natala que daissèt puèi per anar a l'Universitat de Stanford, ont estudièt la biologia marina e foguèt diplomat en 1925. Aquest an anèt a Nòva York per començar la siá carrièra d'escrivan mas tornèt a çò sieu l'an seguent ont inicièt una carrièra plena de succèsses literaris.
Durant la Segonda Guèrra Mondiala trabalhèt coma correspondent de guèrra al New York Herald Tribune. Recebèt lo Prèmi Nobel de Literatura en 1962. Moriguèt lo 20 de decembre de 1968 dins la vila de Nòva York d'un infart miocardiac.
Òbra literària[modificar | Modificar lo còdi]
En 1929 escriguèt son primièr roman Cup of gold: A life of Sir Henry Morgan, Buccaneer, with Ocasional Reference ton History, una ficcion istorica basada sus la vida de Henry Morgan, mas qu'aguèt pas de succès.
En 1935 publiquèt Tortilla Flat, que recebèt la medalha d'aur del melhor roman escrich per un californian, concedida per lo Commonwealth Club of California. Aquel compendi d'istòrias umoristicas sus de gents joves durant la Granda Depression aguèt un cèrt succès que li permetèt de publicar d'òbras pus seriosas sus la Granda depression, coma Of Mice and Men ("1936) e In Dubious Battle qu'atenguèron la notorietat.
Après The Long Valley (1937) e Their Blood is Strong (1938), un reportatge suls trabalhadors immigrants, publica en 1939 The Grapes of Wrath, la siá òbra mai completa e pus famosa. Mas, considerant qu'aquela òbra èra tròp revolucionària per aver de succès decidiguèt amb son editor de ne far un tiratge pron limitat. Lo libre arriba al succès mas pr'amor del lengatge utilizat e e de las idèas que conteniá, foguèt enebit dins divèrsas vilas de Califòrnia. Per aquela òbra obtenguèt en l'an 1940 lo Prèmi Pulitzer del roman, lo meteis an l'òbra foguèt adapatada al cinèma per John Ford.
Après aver escrit en 1947 en Mexic lo sieu roman The Perl, que foguèt adaptat per el meteis al cinèma, realizèt un viatge en Union Sovietica, amassa amb lo fotògraf Robert Capa. En 1952 escriguèt lo sieu roman mai popular, The East of Eden ("A l'èst del Edén"), un libre escrich coma eiretatge de las siás idèas per los sieus filhs.
En 1962 li foguèt concedit lo Prèmi Nobel de Literatura.
Òbras seleccionadas[modificar | Modificar lo còdi]
- 1929: Cup of gold: A life of Sir Henry Morgan, Buccaneer, with Ocasional Reference to History
- 1932: The Pastures of Heaven
- 1933: The Red Pony
- 1933: To a God Unknown
- 1935: Tortilla Flat
- 1936: In Dubious Battle
- 1936: Of Mice and Men
- 1939: The Grapes of Wrath, Prèmi Pulitzer
- 1942: The Moon Is Down
- 1945: Cannery Row
- 1947: The Pearl
- 1947: The Wayward Bus
- 1951: The Log from the Sea of Cortez
- 1952: East of Eden
- 1954: Sweet Thursday
- 1957: The Short Reign of Pippin IV
- 1962: Travels With Charley in Search of America
