Vejatz lo contengut

John Maxwell Coetzee

Un article de Wikipèdia, l'enciclopèdia liura.

Laureat Nobel

John Maxwell Coetzee
[[File:|260px|]]
John Maxwell Coetzee en Cracòvia, Polonha, 2006.
Naissença9 de febrièr de 1940, Lo Cap, Africa del Sud
Ocupacionescrivan
Genrenovèla
Prèmis
Prèmi Nobel de Literatura en 2003

John Maxwell Coetzee (Lo Cap, 9 de febrièr de 1940) es un escrivan australian d'origina sud-africana, premiat amb lo Prèmi Nobel de Literatura l'an 2003.

Biografia[modificar | Modificar lo còdi]

J. M. Coetzee nasquèt lo 9 de febrièr de 1940 al Cap, la capitala d'Africa del Sud, e passèt la mainadesa e la primièra estapa formativa entre la siá vila natala e Worcester de la província del Cap Occidental. Après d'aver estudiat dins una escòla catolica seguiguèt de corses d'anglés e de matematicas a l'Universitat del Cap, ont se diplomèt lo 1960 e 1961 respectivament.

Al començament dels ans 1960 se n'anèt en Anglatèrra e s'installèt a Londres, ont trabalhèt qualque temps coma programaire informatic per la companhiá IBM. Realizèt posteriorament un postgra en literatura a l'Universitat de Tèxas (USA), e foguèt professor de lenga e literatura anglesa a l'Universitat de Buffalo. Lo 1984 retornèt dins lo sieu país, d'ont foguèt professor de literatura anglesa de l'Universitat del Cap, fins a la siá retirada en 2002. Exercís a l'ora d'ara de foncions d'investigador dins lo Departament d'anglés de l'Universitat d'Adelaide, Austràlia. En coincidint amb la Setmana Literària d'Adelaide de l'an 2006 Coetzee recebèt la nacionalitat australiana, sens qu'aiçò l'aja alunhat d'Africa del Sud, lo sieu luòc de naissença e ont transcorre granda part de la siá òbra.

Novèlas[modificar | Modificar lo còdi]

Wikimedia Commons prepausa de documents multimèdia liures sus John Maxwell Coetzee.