Prèmi Pulitzer
Lo prèmi Pulitzer (Pulitzer Prize) es un prèmi american atribuït a de jornalistas, escrivans o musicians. Es considerat entre los mai prestigioses del monde.
Joseph Pulitzer, editor del jornal World, creèt lo guerdon en 1904, mas lo metèt pas en plaça abans 1917. Al començament, èra atribuït a una dotzena de categorias del jornalisme e de las arts. A la debuta del sègle XXI, es decernit per 21 rubricas, dont : plusors tipes de reportatges, l'editorial, la caricatura, la fotografia, lo roman, la biografia, lo teatre, la poesia, l'istòria e la musica. Una envolopa de 10 000 dollars americans acompanha lo prèmi, remes al mes d’abril a de personalitats americanas, mentre que lo laureat del prèmi del servici public rempòrta una medalha d'aur.