Africa
Un article de Wikipèdia, l'enciclopèdia liura.
|
||||||||||||||
|---|---|---|---|---|---|---|---|---|---|---|---|---|---|---|
| partida de | Tèrra | |||||||||||||
| Frontalièr de | Asia | |||||||||||||
.png)
Africa es un dels cinc continents, lo tresen del mond per òrdre d'importància, amb una superficia d'aperaquí 30 300 000 km² e una populacion de mai de 900 000 000 abitants.
Es confrontada al nòrd per la mar Mediterranèa, a l'èst per la mar Roja, a l'èst e al sud per l'ocean Indian e a l'oèst per l'ocean Atlantic. Es unida a Asia per l'istme de Suèz (ara lo Canal de Suèz), e desseparada d'Euròpa per l'estrech de Gibartar. Levat benlèu lo golf de Guinèa, e la bana d'Africa, las còstas seguisson un traçat mai o mens regular.
- Las illas màgers del continent african son Madagascar, las Canàrias, Cap Verd, Socotra, Zanzibar, la Reünion e las Comòras.
- Las cimas principalas son Kilimanjaro e lo Mont Kenya, totes dos en Africa Orientala e amb mai de 5000 m d'altitud.
- Se destacan los desèrts de Sahara, al nòrd, e de Kalahari, al sud.
- Los flumes mai importants son Nil (lo pus long del mond), Còngo, Nigèr e Zambèzi. Pels lacs cal senhalar los lacs Victòria, Malawi e Tanganyika.
