Roma

Un article de Wikipèdia, l'enciclopèdia liura.
Anar a : navigacion, Recercar
exemple de tèxte
Patrimòni Mondial de l'UNESCO

Roma es la capitala d'Itàlia e tanben de la region de Laci. Sa populacion èra estimada a 2 708 774 abitants, en 2008. Sa superfícia totala es 1285 km². Es la comuna pus poblada e pus estenduda d'Itàlia.

Roma foguèt dins l'Antiquitat la capitala de l'Empèri Roman. Li diguèron adonc correntament Urbs (« la Vila » per bonesa). Li dison sovent la vila dei sèt còlas (Aventin, Cælius, Capitòli, Esquilin, Palatin, Quirinal e Viminal); es apelada tanben de còps que i a, Caput mundi (« capitala dau mond »), o la Città Eterna (« La ciutat etèrna »).

Una enclava de Roma es l'Estat dau Vatican, lo territòri sobeiran de la Santa Ses, lo pus pichon estat dau mond, e la capitala de la sola religion que ten una representacion ai Nacions Unidas (coma estat observator non sòci). Lei catolics considèran l'evesque de Roma (lo papa) coma lo successor de Sant Pèire e la vila de Roma coma lo centre dau Cristianisme o aumens dau catolicisme.

Roma, vista dau mont Gianicolo.

Istòria[modificar | modificar la font]

La fondacion de Roma qu'ei atrubuida legendariament au personatge de Ròmul. La data retienguda desempuish l'epòca romana edesignada com punt de referéncia dab lo nom de Ab urbe condita qu'ei l'annada -753. Istoricament, Roma que ho fondada autorn de sèt comas pobladas per tribus latinas puish reunidas amassas entà formar ua sola ciutat.

Lo purmèr regim politic de Roma que ho la monarquia, qui durè dinc a l'annada -509.