Belgica

Koninkrijk België Royaume de Belgique Königreich Belgien
(Detalhs) (Detalhs)
Devisa nacionala : Eendracht maakt macht L'union fait la force Einigkeit macht stark
Lengas oficialas	francés, neerlandés, alemand
Capitala populacion (an)	Brussèlas 1 080 790 abitants (2008)
Autras vilas	Anvèrs, Gant, Charleroi, Lièja, Brujas
Forma de govèrn	Monarquia
Rei	Albert II
Primièr ministre	Elio Di Rupo
Superfícia	30 528 km²
Populacion Densitat	10 666 866 (2008) 344,32/km²
Independéncia - Jorn - Reconeguda	(dels Païses Basses) 4 d'octobre de 1830 19 d'abril de 1839
Moneda	Èuro
Ora Ora d'estiu	UTC+1 UTC+2
Imne nacional	Brabançonne
Còde ISO-3166	BE
Domeni d'Internet	.be
Còde telefonic	+ 32

Belgica o oficialament lo Reialme de Belgica (var. Reiaume de Belgica) (en neerlandés Koninkrijk België; en francés Royaume de Belgique, en alemand Königreich Belgien, en valon Royåme di Beldjike) es un país del nòrd-oèst d'Euròpa que confronta los Païses Basses al nòrd, Alemanha a l'èst, Luxemborg al sud e França al sud. Es bordat per la Mar del Nòrd a l'oèst.

Sa capitala es Brussèlas.

Lo gentilici es bèlga.

Istòria

De veire: Istòria de Belgica.

L'istòria de Belgica se pòt distinguir de la dels Païses Basses dempuèi lo sègle XVI. La Guèrra dels Ochanta Ans (1568-1648) provoquèt la division de las Dètz-e-sèt Províncias en las Províncias Unidas al nòrd e los Païses Basses del Sud al sud. Las províncias del sud foguèron governadas successivament pels Habsborgs espanhòls e austriacs.

De la fin de l'Edat Mejana al sègle XVII (?), lo territòri bèlga es estat un centre cultural e comercial prospèr. La gaireben-totalitat del sieu territòri foguèt agropada en una meteissa entitat politica pels Ducs de Borgonha al sègle XV, abans de passar a las mans de divèrsas poténcias europèas — Espanha, Àustria, França e los Païses Basses — e mai tard d'accedir a la siá independéncia en 1830.

L'istòria recenta de Belgica es estada marcada per l'industrializacion rapida, la colonizacion de Còngo, per las doas guèrras mondialas, e per l'aparicion de conflictes politics entre las doas principalas comunitats lingüisticas del país.

Politica

Belgica es una monarquia federala constitucionala e parlamentària, qu'après la Segonda Guèrra Mondiala evolucionèt d'un estat unitari a una federacion. Lo Parlament bicameral es format d'un Senat e d'una Cambra de Representants. La primièra es una barreja de politics màgers elegits dirèctament e de representants de las comunautats e de las regions; del temps que la darrièra representa totes los bèlgas qu'an almens dètz-e-uèch ans en un sistèma de representacion proporcionala.

Belgica es un dels paucs païses onte votar es obligatòri, e per aiçò a un dels taus pus nauts de participacion electorala del mond.

Lo nombre de ministres francofòns e neerlandofòns es lo meteis, coma es prescrit dins la constitucion. Lo Rei o Reina - actualament Albert II - es lo Cap d'Estat, mai se an prerrogativas limitadas. Lo poder veritable es fisat al primièr ministre e als diferents govèrns que govèrnan lo país. Lo primièr ministre actual es Yves Leterme.

Lo sistèma judiciari es basat sus lo drech civil e proven del Còde napoleonenc.

Geografia

La superfícia totala de Belgica (30 528 km²) es vesina de la de l'estat american de Maryland (un pauc mendre).

Belgica

Economia

De veire: Economia de Belgica.

Cultura

Las lengas oficialas de Belgica son lo neerlandés (flamenc), parlat per almens 6 milions d'abitants, lo francés, parlat per aproximativament 3 milions d'abitants, e l'alemand, parlat per mens d'un per cent de la populacion totala. La capitala, Brussèlas, es bilingüa.