Cap Verd

Cap Verd es una republica insulara situada dins un archipèla de l'ocean Atlantic Nòrd, al delà de las còstas occidentalas d'Africa. La capitala e ciutat principala es Praia. Una autra vila importanta es Mindelo.

Lo gentilici es capverdian - a.

Somari

1 Istòria
2 Politica
3 Geografia
- 3.1 Clima
4 Economia
5 Cultura
6 Bibliografia
7 Vejatz tanben
8 Ligams extèrnes
9 Nòtas & referéncias

Istòria [modificar]

Las illas, inicialament inabitadas e plaçadas entre Africa, America e Euròpa, èran d'un grand interès estrategic pels portugueses. Durant lo sègle XVI, Cap Verd foguèt escala de vaissèls que cargavan esclaus a America (l'esclavatge foguèt abolit en 1876).

L'assalt reïterat de piratas angleses, neerlandeses e de franceses obliguèt als portugueses a trasladar de colons d'agricultors del Alentejo (al sud-èst de Portugal) a l'archipèla: a causa d'una agricultura pauc avienta, aquestes acabèron amb lo solèr fértil, çò que provoquèt dempuèi lo sègle XVIII de secadas periodicas que contunhan en lo present.

La reduccion de l'activitat agricòla – famosa entre los sègles XVII e XIX per lo sieu coton - provoquèt l'emigracion massiva de personas: la majoritat cap a Guinèa-Bissau (èx-colònia portuguesa fòrça ligada a l'archipèla), e pus tard cap a Angòla, Moçambic, Senegal, Brasil e, principalament, als Estats Units. Durant lo sègle XIX, la prosperitat de las illas demeniguèt pauc a pauc per la fauta de neurituds e la fam, la marrida administracion e la corrupcion del govèrn colonial.

Politica [modificar]

En 1975, las illas obtenguèron l'independéncia, en partida gràcias al trabalh del Partit African per l'Independéncia de Guinèa Bissau e Cap Verd (PAIGC). Un còp obtenguda l'independéncia, lo PAIGC voliá unir Cap Verd e Guinèa Bissau en un sol Estat, mas un còp d'Estat dins aquel darrièr país en 1980 entravèt aqueles plans.

Geografia [modificar]

Mapa de l'archipèla de Cap Verd.

L'archipèla de Cap Verd es format per dètz illas, que nòu son abitadas e que se despartisson en dos gropes principals:

Al nòrd las illas al vent (Ilhas de Barlavento en portugués), que son d'èst en oèst: Santo Antao, Sao Vicent, Santa Luzia (inabitada), Sao Nicolau, Sal, Boa Vista e qualques illons inabitats;
Al sud las illas jos lo vent (Ilhas de Sotavento): Maio, Santiago, Fogo e Brava.

Son totas d'illas d'origina volcanica, pichonas e montanhosas amb una altitud maximala de 2829 m al volcan Fogo sus l'illa del meteis nom.

Clima [modificar]

Condicions climaticas annalas	Temperatura (°C)	Precipitacions
Genièr	24 °C	5,3 mm
Febrièr	24 °C	3,8 mm
Març	25 °C	1,3 mm
Abril	25 °C	0,0 mm
Mai	25 °C	0,0 mm
Junh	26 °C	0,0 mm
Julhet	27 °C	0,8 mm
Agost	29 °C	14,1 mm
Setembre	29 °C	33,6 mm
Octobre	29 °C	6,5 mm
Novembre	27 °C	2,5 mm
Decembre	25 ºC	1,6 mm

Economia [modificar]

De veire: Economia de Cap Verd

La siá posicion geografica es fòrça bona pel comèrci, e mai se lo país sofrís la fauta de ressorsas e la siá economia se vei perjudiciada per las fòrtas inondacions e de secadas qu'a patit.

L'agricultura es viabla durant tot l'an sonque dins quatre illas. Granda part del PIB proven de l'industria e del sector dels servicis, principalament lo torisme. E tanben dels capverdians repartits per tot lo mond qu'amb las siás remessas de devisas ajudan a melhorar l'economia del país.