Soire [ˈswiʁə]/[ˈswɛjʁə] (formas arcaïcas: Ussoire, Issoire[1]) z-es 'na viala d'Auvèrnhe (Occitània), administrada par le departament dau Puèi de Doma de la region d'Auvèrnhe Ròse Aups, ancianament d'Auvèrnhe. z-Es v-una de las quatre sosprefecturas dau Puèi de Doma ('bei Tièrn, Riam e Embèrt).
Una abadiá seriá estada fondada sobre le site de vès Soire au sègle IV par Sant Astremòni mas seriá estada destruita par los Visigòts pauc de temps après.
'N'autra abadiá fuguèt bastida par los benedictins e consacrada en 937 par Bernat, evesque de Clarmont.
Au sègle XVI, Soire visquèt las Guèrras de Religion e fuguèt victima de los dos camps (los protestants dau capitani Merle e l'armada reiala catolica). Fuguèt tant tochada par le conflicte de la Liga.
La vinha fuguèt durament tochada per la filloxèra au cors dau sègle XIX e l'arribada dau tren en 1855 provoquèt la falhita de los batelèirs qui transportavon le bòsc. Un regiment s'installèt dins la viala 'jodant un pauc a sobreviure economicament.
Glèisa parrochala de Soire Glèisa de Sant Astremòni : glèisa abadiala benedictina bastida au sègle XII. Victima de la repression de l'armada protestanta daument las Guèrras de Religion, fuguèt restaurada aus siècles XIX e XX. Es classada monument istoric despuèi 1835. Es v-una de las pus gentas glèisas romanicas dau Puèi de Doma.
França
.svg)
.svg){kind=small}