Carri lo Roet

Un article de Wikipèdia, l'enciclopèdia liura.
Salta a la navegació Salta a la cerca
Flag of Occitania (with star).svg Vila d'Occitània Blason Languedoc.svg

Carri lo Roet
Carry-le-Rouet

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Carry-le-Rouet 20081010 16.jpg
Litoral de Carri lo Roet.
Blason de la ville de Carry-le-Rouet (13).svg
Armas
Geografia fisica
Occitania map (1).png
geolocalizacion
Coordenadas 43° 19′ 59″ N, 5° 09′ 10″ E
Superfícia 10 km²
Altituds
 · Maximala
 · Mejana
 · Minimala
 
178 m
20 m
0 m
Geografia politica
País Provença Armas de Provença
Estat Bandièra de França França
Region
93
Provença Aups e Còsta d'Azur Blason région fr Provence-Alpes-Côte d'Azur.svg
Departament
13
Bocas de Ròse Armas dau Departament dei Bocas de Ròse
Arrondiment
134
Istre
Canton
1348
Castèunòu Còsta Blava
Intercom
241300391
Comunautat Urbana de Marselha Provença Metropòli
Cònsol Pierre Pene
(2008-2014)
Geografia umana
Populacion
Populacion totala
(2018)
5 756 ab.
Evolucion de la populacion

5 884 ab.
Densitat 605,3 ab./km²
Autras informacions
Gentilici Carryens (en francés)
Còde postal 13620
Còde INSEE 13021
http://www.mairie-carrylerouet.fr/

Carri lo Roet (Carry-le-Rouet en francés) es una comuna provençala situada dins lo departament dei Bocas de Ròse e la region de Provença-Aups-Còsta d'Azur. Es una estacion balneària e una zòna de residéncia periurbana entre lei vilas de l'Estanh de Bèrra e Marselha.

Geografia[modificar | modificar la font]

Carri lo Roet se situa sus lo pendís meridionau de la Cadena de l'Estaca entre Lo Martegue au nord-oèst, la Mar Mediterranèa au sud, Marselha a l'èst e l'Estanh de Bèrra au nòrd. S'estend sus un plan litorau mai ò mens estrech e sus lei còlas vesinas. Lo clima es de tipe mediterranèu amb d'ivèrns doç e d'estius cauds e eissuchs. Es marcat per una certana ariditat amb solament 517,7 mm de precipitacions anualas. Es tanben influenciat per lo magistrau que bofa regularament dempuei lo nòrd-oèst. Coma per leis autrei vilas de la region, la vegetacion dominanta es constituida de garriga e de pineda.

Istòria[modificar | modificar la font]

L'istòria anciana de Carri lo Roet es mau coneguda. L'endrech es frequentat dempuei lo periòde finau de l'Edat de Pèira coma o mòstra l'existéncia de vestigis datant de 20 000 dins lo quartier dau Roet. L'existéncia dei dos vilatges a l'origina de la vila actuala es clarament atestada en 1253 dins de documents regardant un conflicte entre dos senhors locaus. En 1584, la populacion, dependenta de la senhoriá de Castèunòu foguèt organizada a l'entorn d'una torre de defensa. Venguèt la basa d'un vilatge de pescaires.

En 1915, la dubertura de la linha de camin de fèrre de la Còsta Blava permetèt de desenclavar lo vilatge. Aquò permetèt de començar la modernizacion de la vila que foguèt electrificada en 1940. Pasmens, en 1924, aqueu procès menèt a la separacion dei quartiers oèst que venguèron una comuna independenta sota lo nom de Sausset dei Pins. Après la Segonda Guèrra Mondiala, lo vilatge aviá una populacion de 646 abitants. Conoguèt un desvolopament progressiu, basat sus la construccion de quartiers novèus, durant la segonda mitat dau sègle XX amb l'amainatjament de la zòna industriala de Fòs e l'aparicion dau periurbanisme. La populacion agantèt ansin mai de 6 000 estatjants a la fin dau sègle avans de s'estabilizar dins leis ans 2000-2010.

Cultura[modificar | modificar la font]

Fotografia de la fèsta deis orsinadas en 2006.

En causa de sa talha pichona, Carri lo Roet a un patrimòni culturau reduch. Dins aquò, existís quauquei monuments ancians coma la Capèla dau Roet qu'es una pichona glèisa fondada a la fin de l'Edat Mejana. Destrucha, foguèt restaurada en 1877. Se fau tanben nòtar l'existéncia de plusors pònts ferroviaris de remarca lòng de la linha de camin de fèrre. Enfin, au nivèu gastronomic, foguèt fondada una fèsta de l'orsinada en 1956 qu'existís totjorn a l'ora d'ara.

Annèxas[modificar | modificar la font]

Liames intèrnes[modificar | modificar la font]

Personalitats liadas amb la comuna[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]