Mistral (vent)
| Los vents de la Mediterranèa[nòta 1] | |
Lo mistral (var. mistrau),[1][nòta 2] apelat terral o cèrç[2] en Lengadòc, es un vent de nòrd-oèst (NW) a nòrd (N), fresc o freg e sovent violent, que concernís lo nòrd del bacin de la Mediterranèa Occidentala; es lo meteis vent que pòt bufar fins al sud de las illas Balearas e aténher lo nòrd de Tunisia.
Causas del mistral
[modificar | Modificar lo còdi]
L'aparicion del mistral (e de la tramontana) es ligada a l'arribada d'un flux maritim fresc d'origina atlantica, o d'un flux freg continental, qu'arriba en Mediterranèa pel còl de Lauragués e lo corredor Ròse-Sòna.
Las causas de desenclavament del mistral son :
- Establiment d'una dorsala anticiclonica sul sud-oèst (SW) de França
- Depression relativa sus la Mediterranèa Occidentala
- Preséncia d'aire caud dins la zona de la depression
- Alimentacion en aire freg
Es pas indispensable qu'aquestas quatre condicions sián acampadas.
Previsions
[modificar | Modificar lo còdi]La preséncia de cirrus, sustot se son nombroses e localizats vèrs l'Oèst pòt èsser un signe anonciator del mistral, mas es pas sistematic.
Efèctes del vent
[modificar | Modificar lo còdi]
_-_12.jpg)
Un exemple de sa fòrça foguèt visible pendent la partida França–Sud-Africa pendent la Copa del Monde de Fotbòl 1998, ont l'equipa atacant contra lo vent aguèt de dificultats e far avançar lo balon per de tirs longs. Un autre efièch del mistral es visible dins la valada de Ròse, particularament al sud de Valença: sa fòrça e sa persisténcia influisson sus la creissença dels arbres isolats que son fòrtament inclinats vèrs lo sud.
Nòtas
[modificar | Modificar lo còdi]- ↑ Aquels vents èran utilizats pels navigators sus la mar Mediterranèa. Los noms dels vents pòdon variar en foncion de las regions (per ex. tramontana en Lengadòc).
- ↑ En francés: mistral; en catalan: mestral; en italian: maestrale.
Referéncias
[modificar | Modificar lo còdi]- ↑ «Mistral» (en francés). Multidiccionari Occitan Dicodòc. Congrès permanent de la lenga occitana.
- ↑ «Cers» (en francés). Multidiccionari Occitan Dicodòc. Congrès permanent de la lenga occitana.