Pesca
La pesca es una activitat que dempuèi de millenaris fornís de noiridura a las populacions installadas dins los lacs, las mars o los rius, consistissent en la captura del peis en utilizant d'instruments e de las tecnicas de diferents tipes pels pescaires
Istòria
[modificar | modificar lo còdi]La descobèrta d'arpons e de fialats e d'amasses d'arestas de peis près de vilatges preïstorics testimònia estant que lo peis a totjorn fach partida integranta de l'alimentacion dels pòbles. Los primièrs luòcs de pesca foguèron segurament de plans d'aiga doça, dels estanhs e dels rius ont d'òmes inexperimentats se podián ensajar a la captura de peisses sens aver a afrontar las aigas prigondas. Dempuèi de sègles, pasmens, lo luòc de pesca per excelléncia es vengut la mar, perque fornís la mai granda quantitat de peis, tant en tèrmes de volum de pesca que de varietat d'espècias de peisses. Uèi, la pesca es una industria a l'escala mondiala, sovent caracterizada per la nauta tecnologia e al centre de problèmas environamentals
Preistòria
[modificar | modificar lo còdi]La pesca dins la preïstòria. Las descobèrtas arqueologicas an permés als cercaires d'elaborar de teorias sus la pesca al Paleolitic. Las femnas corrián probablament las plajas a la recèrca de pichons crustacèus e mollusques, facils a atrapar a mans nudas, mentre que los òmes caçavan los peisses amb d'espleches rudimentaris mas encara utilizats uèi: las canavèras, dels bastons d'ont penja un fil, un còp èra compausat de fibras vegetalas trenadas, apeladas linha de pesca. A aquel fil es penjat un croquet - una mena de cròc, uèi d'acièr, en aquel temps en òs, silex o bana - a lo qual es estacat una esca que lo peis avala.
Innovacions
[modificar | modificar lo còdi]Uèi, la figura del pescaire, aital coma las tecnicas de pesca, an en partida cambiat respècte als sègles passats. La pesca costièra es encara plan correnta, tant dins los païses avançats que - sustot - dins los païses en desvolopament: cada jorn, de pichonas embarcacions familialas prenon l'ample per tornar lo ser cargadas de peis.
Mas al costat de la pesca de pichon cabotatge, la pesca en nauta mar e la pesca oceanica son largament espandidas: de flòtas de batèls de pesca e dels vaissèls-fèrms travèrsan de contunh los oceans per de caças que pòdon durar meses.
Bibliografia
[modificar | modificar lo còdi]- (oc) de Cantalausa, Joan. Diccionari general occitan: a partir dels parlars lengadocians, p. 741. ISBN 2-912293-04-9.
- (en) (1999) Fishing for Islands. Allen & Unwin. ISBN 9781864485905.
- (fr) Juhel, Pierre (2016). Histoire de la pêche à la ligne. Quae. ISBN 9782759224852.