Sant Victoret
|
Vila d'Occitània | 
|
|
Sant Victoret
Saint-Victoret | ||
|---|---|---|
 | ||
| ||
| ||
| Geografia fisica | ||
| ||
| Coordenadas | 43° 25′ 18″ N, 5° 14′ 03″ E | |
| Superfícia | 4,73 km² | |
| Altituds · Maximala · Mejana · Minimala |
120 m 26 m 15 m | |
| Geografia politica | ||
| País | Provença  | |
| Estat |  França | |
| Region 93 |
Provença Aups e Còsta d'Azur  | |
| Departament 13 |
Bocas de Ròse  | |
| Arrondiment 134 |
Istre | |
| Canton 1336 |
Marinhana | |
| Intercom 241300391 |
Marseille Provence Métropole | |
| Cònsol | Claude Piccirillo (2008-2014) | |
| Geografia umana | ||
| Populacion Populacion totala (2018) |
6 633 ab.  6 685 ab. | |
| Densitat | 1 388,37 ab./km² | |
| Autras informacions | ||
| Gentilici | Saint-Victoriennes, Saint-Victoriens (en francés) | |
| Còde postal | 13700, 13730 | |
| Còde INSEE | 13102 | |
| www.saintvictoret.fr | ||
.svg)
Sant Victoret (Saint-Victoret en francés) es una comuna provençala situada dins lo departament dei Bocas de Ròse e la region de Provença-Aups-Còsta d'Azur.
Geografia[modificar | modificar la font]
Sant Victoret es una comuna fòrça urbanizada installada sus un territòri relativament pichon (4,7 km²) que se situa entre Marinhana e Vitròla dau Martegue. Lo clima es de tipe mediterranèu. La vila es liada a la ret rotiera dei Bocas de Ròse per la Departamentala D9 que passa a l'extremitat oèst de son territòri e per l'Autorota A7 que passa a l'extremitat èst. En revènge, es copada per la linha de camin de fèrre París-Marselha.
Istòria[modificar | modificar la font]
L'istòria de Sant Victoret es dirèctament liada a aquela de l'Abadiá Sant Victor de Marselha. D'efiech, au sègle X, l'abadiá intrèt dins un periòde de prosperitat que durèt fins au començament dau sègle XII. Vèrs 965, un grop de monges foguèt mandat a Marinhana, lòng de Cadiera, per crear una comunautat dins una zòna palunosa. Aquò explica lo nom dau luòc e lo desvolopament progressiu dau prioret gràcias a la proteccion de l'Abadiá. Pasmens, en 1640, lo declin de Sant Victor entraïnèt la transformacion de la senhoriá que venguèt un fèu noble. Aquò permetèt la transformacion de la comuna que venguèt una comuna independenta en 1666.
Sant Victoret demorèt un pichon vilatge de quauquei centenaus d'abitats durant tot lo sègle XIX. Se desvolopèt lentament gràcias a l'industrializacion de la region e la populacion passèt lo milier d'estatjants en 1936. La creissença s'accelerèt après la Segonda Guèrra Mondiala per agantar un maximom de 6 810 personas en 1999. Dempuei aquela data, la populacion a leugierament demenit per s'estabilizar entre 6 500 e 6 800 estatjants. L'amainatjament de l'aeropòrt Marselha-Provença, la repatriacion dei colons d'Argeria e la creacion de l'usina d'elicoptèrs de Marinhana foguèron lei factors principaus d'aqueu desvolopament.
Cultura[modificar | modificar la font]
I a pauc de vestigis de l'istòria anciana de Sant Victoret. Gràcias a la proximitat amb Airbus Helicopters, un musèu de l'aviacion foguèt inaugurat en 2006. Presenta una colleccion d'avions de caça, d'elicoptèrs militars e d'aeronaus destinadas a la lucha còntra leis incendis. Aquel ensemble vèn en complement d'un memoriau dedicat ai pompiers.
Annèxas[modificar | modificar la font]
Liames intèrnes[modificar | modificar la font]
Personalitats liadas a la comuna[modificar | modificar la font]
Bibliografia[modificar | modificar la font]
Nòtas e referéncias[modificar | modificar la font]
.svg){kind=small}