1376

1376
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Ans : 1373 1374 1375  1376  1377 1378 1379 Decennis : 1340 1350 1360  1370  1380 1390 1400 Sègles : Sègle XIII  Sègle XIV  Sègle XV Millennis : Millenni I  Millenni II  Millenni III Autres calendièrs : Roman • Chinés • Gregorian • Ebrieu • Indó • Musulman • Persan • Republican

Aquesta pagina concernís l'an 1376 del calendièr gregorian.

Eveniments

Euròpa

Empèri Bizantin

Retrach de l'emperaire Andronic IV Paleòleg dins un manuscrit bizantin.

Perseguida dei dificultats liadas au rèine de l'emperaire Joan V Paleòleg. D'efèct, desirós d'obtenir lo sostèn de Venècia, acceptèt de donar l'illa de Tenedos a la Republica. Pasmens, aqueu projècte se turtèt a l'ostilitat dei Genoès e deis Otomans que comencèron lo sètge de Constantinòple e capitèt de capturar Joan V Paleòleg e son fiu. Lei remplacèron per Andronic IV Paleòleg, autre fiu de Joan V que li èra fòrça ostil, que deguèt cedir Tenedos ai Genoès e Gallípoli ais Otomans. Autra consequéncia d'aquel acòrd, Venècia declarèt la guèrra a l'Empèri (→ 1379).

Africa

Etiopia

Temptativa d'incursion dau sultan d'Ifat Haqq ad-Din II còntra lo territòri etiopian. Pasmens, lo cap musulman foguèt rapidament tuat per lei fòrças etiopianas e lei fòrças d'Ifat se retirèron.

Asia

Dinastia Timurida

Après sa campanha indecisa de 1375, Tamburlan deguèt organizar una cinquena ofensiva en Mogolistan. Son adversari de l'annada precedenta, Kamar al-Din, foguèt rapidament vencut mai capitèt de defugir la destruccion de sei fòrças. Ansin, la pacificacion de Mogolistan èra parciala e foguèt jamai totala durant lo rèine de Tamburlan (→ 1383, 1389 e 1400). Pasmens, aquelei victòrias avián renfòrçat lo prestigi intèrne de Tamburlan.

Après aquela campanha, Tamburlan recebèt Toktamich a sa Cort. Descendent de Genghis Khan, venguèt amic ambé lo cap timurida que li fisèt de tropas e lei vilas d'Otrar, de Sabran e de Sigrak. Aquò èra una provocacion per lo Khanat de l'Òrda Blanca car Toktamich n'èra pretendent. Foguèt immediatament atacat per Oros, khan de l'Òrda Blanca. A la fin de l'annada, Tamburlan mobilizèt sei fòrças per sostenir dirèctament Toktamich.