Catedrau de Nosta Dauna de París
La Catedrau de Nosta Dauna de París (var. Catedrala de Nòstra Dòna de París), situada sus l'Isla de la Ciutat a París qu'ei lo cap de l'arquidiocèsi catolic de París. Que ho la catedrau màger de França a l'acabament de la soa bastida (a maugrat qui uei b'ac sia pas mei). Uei que's ved dens l'estat qui la deishè la darrèra grana restauracion (1844 - 1864) d'Eugène Viollet-le-Duc. Lo parvís de Nosta Dauna que marca lo punt zèro de las rotas francesas. Lo 15 d'abril de 2019 un incendi destrusís lo hustatge e provòca l'esbonida de l'agulha.