Ladislau II Jagellon

Un article de Wikipèdia, l'enciclopèdia liura.
Salta a la navegació Salta a la cerca
Retrach de Ladislau II Jagellon realizat vèrs la fin dau sègle XVIII.

Ladislau II Jagellon ò Jogaila (1362-1434) foguèt Grand-duc de Lituània de 1377 a 1392 e rèi de Polonha de 1386 a 1434. Coma Grand-duc, succediguèt a son paire Algirdas (1330-1377) e foguèt remplaçat per son cosin Vytautas (1392-1430. Coma rèi de Polonha, foguèt inicialament lo marit de la rèina Edvija (1385-1399) qu'èra lo sobeiran vertadier dau país. Pasmens, a sa mòrt, lei Polonés li demandèron de demorar sus lo tròne e l'elegiguèron rèi. Son fiu Ladislau III Jagellon (1434-1444) li succediguèt.

Son rèine aguèt una importància gròssa sus lo desvolopament de Polonha e de Lituània. D'efèct, per venir rèi de Polonha, deguèt se convertir au catolicisme, çò que favorizèt la difusion d'aquela religion dins leis estats baltics. Puei, luchèt còntra l'Òrdre Teutonic que menaçava la frontiera nòrd de Polonha dempuei 1308 e lo començament dei guèrras entre Chivaliers Teutonics, Polonés e Lituanians. En 1410, sa victòria de Grunwald li permetèt de rompre lei fòrças militara e economica de l'Òrdre. Après aquela batalha, l'union de Polonha-Lituània venguèt una poissança majora dau continent europèu fins au sègle XVII.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]