Cap Verd

Cap Verd

República de Cabo Verde

Bandièra Escut d'armas

Devisa: Unidade, Trabalho, Progresso

Capitala e ciutat mai granda Praia 15° 18′ N, 23° 42′ O

Forma de govèrn Republica

President Primièr Ministre José Maria Neves Ulisses Correia e Silva

Independéncia de Portugal

Data 5 de julhet de 1975

Superfícia 172en

• Totala 4 033 km²

• Aiga , % %

Populacion 167en

• Totala (2015) 525,000 ab.

• Densitat 123.7 ab./km²

Moneda (CVE)

Domeni internet .cv

Cap Verd ([ˈkap ˈβeɾt, ˈveɾt]; en portugués: Cabo Verde [ˈkabu ˈveɾdɨ]) es una republica insulara situada dins un archipèla de l'ocean Atlantic Nòrd, al delà de las còstas occidentalas d'Africa. La capitala e ciutat principala es Praia. Una autra vila importanta es Mindelo.

Lo gentilici es capverdian - a.

Istòria

Las illas, inicialament inabitadas e plaçadas entre Africa, America e Euròpa, èran d'un grand interès estrategic pels portugueses. Durant lo sègle XVI, Cap Verd foguèt l'escala de vaissèls que menavan d'esclaus en America (l'esclavatge foguèt abolit en 1876).

Las atacas repetidas de piratas angleses, neerlandeses e franceses obliguèron los portugueses a transportar dins l'archipèla de colons agricultors de la region d'Alentejo (al sud-èst de Portugal) : l'agricultura acabèt lo sòl fertil, çò que provoquèt dempuèi lo sègle XVIII de secadas periodicas que contunhan a l'ora d'ara.

La reduccion de l'activitat agricòla – famosa entre los sègles XVII e XIX per lo sieu coton - provoquèt una emigracion massiva: la majoritat cap a Guinèa Bissau (èx-colònia portuguesa fòrça ligada a l'archipèla), e pus tard cap a Angòla, Moçambic, Senegal, [[Brasil], ] e subretot als Estats Units. Durant lo sègle XIX, la prosperitat de las illas demeniguèt pauc a pauc per la fauta de la fam, la marrida administracion e la corrupcion del govèrn colonial.

Politica

En 1975, las illas obtenguèron l'independéncia, en partida gràcias al trabalh del Partit African per l'Independéncia de Guinèa Bissau e Cap Verd (PAIGC). Un còp obtenguda l'independéncia, lo PAIGC voliá unir Cap Verd e Guinèa Bissau en un sol Estat, mas un còp d'Estat dins aquel darrièr país en 1980 entravèt aqueles plans.

Geografia

Vista de São Vicente.

Mapa de l'archipèla de Cap Verd.

L'archipèla de Cap Verd es format per dètz illas, que nòu son abitadas e que se despartisson en dos gropes principals:

• Al nòrd las illas al vent (Ilhas de Barlavento en portugués), que son d'èst en oèst: Santo Antao, Sao Vicent, Santa Luzia (inabitada), Sao Nicolau, Sal, Boa Vista e qualques illons inabitats;
• Al sud las illas jos lo vent (Ilhas de Sotavento): Maio, Santiago, Fogo e Brava.

Son totas d'illas d'origina volcanica, pichonas e montanhosas amb una altitud maximala de 2829 m al volcan Fogo sus l'illa del meteis nom.

Clima

Lo clima i es caud e sec, amb una mejana de temperaturas situada entre 20 à 25 °C. Durant los meses de genièr e febrièr l'archipèla subís l'influéncias de las tempestas de sabla vengudas de Sahara.

Condicions climaticas annalas	Temperatura (°C)	Precipitacions
Genièr	24 °C	5,3 mm
Febrièr	24 °C	3,8 mm
Març	25 °C	1,3 mm
Abril	25 °C	0,0 mm
Mai	25 °C	0,0 mm
Junh	26 °C	0,0 mm
Julhet	27 °C	0,8 mm
Agost	29 °C	14,1 mm
Setembre	29 °C	33,6 mm
Octobre	29 °C	6,5 mm
Novembre	27 °C	2,5 mm
Decembre	25 ºC	1,6 mm

Economia

De veire: Economia de Cap Verd

La siá posicion geografica es fòrça bona pel comèrci, e mai se lo país sofrís la fauta de ressorsas e la siá economia se vei perjudiciada per las fòrtas inondacions e de secadas qu'a patit.

L'agricultura es viabla durant tot l'an sonque dins quatre illas. Granda part del PIB proven de l'industria e del sector dels servicis, principalament lo torisme. E tanben dels capverdians repartits per tot lo mond qu'amb las siás remessas de devisas ajudan a melhorar l'economia del país.

Nòtas & referéncias

<references>