Sent Joan

Vilatge d'Occitània

Sent Joan
Saint-Jean-en-Val

La maison de comuna/escòla.

Geografia fisica

Coordenadas

45° 31′ 26″ N, 3° 21′ 25″ E

Superfícia

12,09 km²

Altituds
· Maximala
· Mejana
· Minimala

663 m
420 m
399 m

Geografia politica

Auvèrnhe

Liuradés^[1]^[2]^[3]

França

Soire

du Pays de Sauxillanges

Cònsol

Catherine TILLIEZ
(2008-2014)

Geografia umana

Populacion
Populacion totala
(2018)

353 ab.

Evolucion de la populacion

356 ab.

Densitat

29,61 ab./km²

Autras informacions

Còde postal

63490

Còde INSEE

63366

Sent Joan [sɛ̃.dzwɑ̃]^[4]^[5] (Saint-Jean-en-Val en francés) es una comuna auvernhata dau departament dau Puèi de Doma e la region d'Auvèrnhe-Ròse-Aups, ancianament d'Auvèrnhe.

Geografia

Sent Joan se situa dins la contrada dau Liuradés^[1]^[2]^[3] a sa frontèira 'bei la Limanha^[3].

Localizacion

Perimètre dau territòri

Comunas confrontantas de **Sent Joan**
Içon		Çausselenjas

Sent Ramire	Bançat	Sent Tiène de vès Içon

Vialatges e luòcs dits

La Bargèira [lɔ.bɔʁdziðɔ] (fr. La Brugère) : domèni.
Beunat [byˈna] (fr. Bionat) : Vialatge desaparegut^[6].
Champ Pie (nom fr.) : luòc dit a proximitat dau borg, ente un lotejament compta sèis maisons.
la Combe (nom fr.) : 2 residenças segondàrias
Les Cothards (nom fr.): bòria abitada per 2 agricultors retirats.
Fontanilhas [fɔ̃tɔɲiˈʎa] (fr. Fontenille) : una bòria ocupada per un retirat, tres maisons d'abitacion, cinc maisons en restauracion o en construccion, doas residenças segondàrias.
La Libeyre (nom fr.) : doas maisons d'abitacion.
Locagne (nom fr.) : una bòria e una maison d'abitacion.
Le Malfournier (nom fr.): quatre maisons.
Le Mas [lə.ma] (fr. Le Mas) : compta una bòria, tres o quatre maisons abitadas e cinc o sèis residenças segondàrias.
Le Mas Naut [lə.mɔ.nɔ] : grop de maisons de naut Sarpoèl.
Montroi [mɔ̃ˈʁwɛj] (fr. Montroy): una bòria e cinc maisons d'abitacion.
Le Moi [lə.mwɛj] (fr. Le Mouy) : compta sèis maisons d'abitacion.
Le Paradis (nom fr.): una residença segondària.
La Plaine (nom fr.): una maison pròcha de Pranly.
Pòus [pɔw] (fr. Poux).
La Prada [lɔ.pʁadɔ].
Pranly (nom fr.): situat entre beau/bealeira (tipe de verificar) e ribèira, compta un ancian molin e 2 ostaus d'abitacion.
La Ròcha [lɔ.ʁotsɔ] (fr. La Roche).
Roviuletas [ʁvjylˈta] (fr. Riolette).
Salamaus [sɔlɔˈmɔ] (fr. Salamot).
Sarpoèl [sɔʁˈpwɛ] (fr. Sarpoil).
Séjole (nom fr.)
Sent Joan: Le borg, situat le lòng de la departamentala Sarpoil-Sauxillanges, compta la maison de comuna, la sala de las fèstas e l'escòla, una glèisa, le cementèri, una crotz de mission, una bòria e una vintena d'ostaus d'abitacion.
Trivilhat [tʁivjiˈʎa] (fr. Tréville).
La Valeta [lɔ.vɔlɛtɔ] (fr. La Valette) : domèni^[4]
Le Ventalon (nom fr.).

Toponimia

Las atestacions ancianas son, per luòc:

Sent Joan - Mermech au sègle X^[4]; Val^[7] en 1050^{[cal referéncia]}; Sanctus Johannes de Valle en 1373^[8]; St Jean en Val sous Usson au sègle XVIII (Cassini)^[9].
Segon Dauzat, le nom ven d'un mot pas conegut e Mediu, per ce que "la localitat es a la junccion de doas valadas."

Boschilhon (nom fr.)^[10] - le "petit bòsc".

La Bargèira - Segon Dauzat, vendriá de Brūcaria.

Beunat - Bellnat au sègle X^[6].

Fontanilha - Fontanellas. Segon Dauzat, es un derivat de fontana.

Le Mas - Segon Dauzat, vendriá de Mansu.

Mas Naut - Dauzat prepausa Mas aut per l'etimologia, mas aquò-es pas segur.

Pòus - Pozols, ... Segon Dauzat, vendriá de Pŏd-ŭlŭ, d'après pŏdĭu.

La Ròcha - Rocca, Segon Dauzat, vendriá de (latin?) Rocca.

Roviuletas - Roirolas, Ruirolias, Royolas en 942

Sarpoèl - la fòrma occitana ven dau francés.

Trivilhat - Segon Dauzat, vendriá de Trebelliacu o Triviliacu.^[4]

Istòria

Au cors de la periòda revolucionària de la Convencion Nacionala (1792-1795), la comuna portèt los noms de Enval e de Val-sur-Usson^[11] en francés.