Gòrbs

Aquel article es escrich en gorbarin (dialècte de Gòrbs (06))

Vilatge d'Occitània

Gòrbs Gorbio
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Vista generala.
Armas
Geografia fisica
Coordenadas	43° 47′ 15″ N, 7° 26′ 45″ E
Superfícia	7,02 km²
Altituds  · Maximala  · Mejana  · Minimala	928 m 350 m 77 m
Geografia politica
País	Comtat de Niça
Estat	França
Region 93	Provença Aups e Còsta d'Azur
Departament 6	Aups Maritims
Arrondiment 062	Niça
Canton 0652	Menton Oest
Intercom 240600551	de la Riviera Française
Cònsol	Fabrice Pastor (2026-)
Geografia umana
Populacion Populacion totala (2019)	1 493 ab. Evolucion de la populacion 1 560 ab.
Autras informacions
Gentilici	gorbarins
Còde postal	06500
Còde INSEE	06067

Gòrbs (Gouò en grafia mistralenca, prononciat [ˈɡwɔ] ò [ˈɡwœ] en gorbarin ; en francés Gorbio) es una comuna occitana mentonasca dau Comtat de Niça, situaa dins o departament das Aups Maritims e a region de Provença-Aups-Còsta d'Azur.

Geografia

Gòrbs es un pichin vilatge sobre de Menton e Rocabruna. Es traversat de part en part p'o Rai, torrent que pilha a sieu fuònt a Pelha, e que, calant de Gòrbs traversa Ròcabruna e Menton, denant de se gitar dins a marina Mediterranèa.

Istòria

Gòrbs es poblat despí a fin d'a preïstòria, coma o testifican o produch d'escavamentes s'un luèc situat bèn sobr'o vilatge actual, e as multiplas sostas sota ròca damé muralhas ciclopeanas repartias sus de l'ensems d'a comuna. As objèctes das registres son expausats au musèu d'a preistòria de Menton : uòsses d'umans e d'animales, tròces de terralhas....

O vilatge se desplaçerà s'o sieu luèc actual sota a forma d'a comandaria templièra d'Agerbol, bastia sota o comte Ottone II de Ventimilha segon l'archiu d'a catedrala de Ventimilha.

Se tròba una premièra mencion dau vilatge sota o nom de « Golbi » en 1157. Apareisse sota o sieu nom actual en 1301.

Fèu das comtes de Ventimilha (sègle XII e sègle XIII), o vilatge es una proprietat das comtes de Provença entre 1257 e 1285, per tornar sempre aas comtes de Ventimilha, as sieu eretièrs, a familha Lascaris. Aas sècolos XVII e XVIII, quarquas autras familhas, coma as Isnardi, as de Gubernatis, as Raimondi, de contunh as Corvesi, as Alziari de Malàussena, as Guigliotti i an o sieu torn d'aas partes de distincion.

Tra 1400 e 1580, as familhas Basen, Imbert, Maulandi, Muratore, Pastor, Raimondi e Rocca estàn au vilatge. As Dental de Peillon, as Giausseran de Villefranche, as Lottier de Pelha e as Vial d'a Mortola s'i installèron au sècolo XVII.

Despí 1388, o comtat de Niça apartèn aas comtes de Savòia. Gòrbs seguèt alora a destinaa dau comtat de Niça e se liguèt aa França en 1860 après un plebiscite que donèt a Gòrbi : 26 « pas » al restacament e 59 « òc ».

En 1793, Anna Maria Lantideri se distinguèt dins a resisténcia cuòntra as fòrças d'ocupacion francesas revolucionàrias, resisténcia qu'avia coma nom Barbetisme.

Au musèu dau Risorgimento de Turin, se tròba de traças d'un Alessandro de Gubernatis, de Gòrbs, sergent d'a brigada Pineròl, que a tèsta siguèt metua a prètz per Carbonarisme e siguèt executat o 14 de junh de 1833 a Chamberí da a decision dau rei de Piemont-Sardenha.

A a fin dau sècolo XIX, o vilatge aprofiechèt dau desvolopament dau torisme a Menton.

Administracion

Lista das cònsols successius

Periòde		Identitat	Etiqueta	Qualitat
març 2001	2020	Michel Isnard	PCF	retirat
	2001
Totas las donadas non son pas encara conegudas.

Demografia

Evolucion demografica Populacion comunala actuala (2013): , totala:
1793	1800	1806	1821	1831	1836	1841	1846	1851
219	301	321	403		465		488	-
1856	1861	1866	1872	1876	1881	1886	1891	1896
549	515	474	486	484	496	498	552	552
1901	1906	1911	1921	1926	1931	1936	1946	1954
634	613	616	528	614	610	686	379	569
1962	1968	1975	1982	1990	1999	2006	2007	2008
571	644	538	576	930	1 154	1 279	1 295	1 280
2009	2010
1 275 1 297	1 284 1 314
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• 2016 : 1468

Veire tanben

• Comunas das Alpes Maritimes
• Comtat de Niça