Nerac

Vila d'Occitània

Nerac Nérac
Geografia fisica
Coordenadas	44° 08′ 53″ N 0° 20′ 42″ E
Superfícia	62,68 km²
Altituds  · Maximala  · Mejana  · Minimala	191 m 71 m 38 m
Geografia politica
País	Guiana
Parçan	Agenés
Estat	França
Region	Aquitània
Departament	Òlt e Garona
Arrondiment	Arrondiment de Nerac
Canton	Canton de Nerac (capluòc)
Intercom	Comunautat de comunas de la Vath de Labrit
Cònsol	Nicolas Lacombe (2008-2014)
Geografia umana
Populacion Populacion totala (Còde INSEE ?)	7 142 ab. 7780 ab.
Densitat	113,94 ab./km²
Autras informacions
Gentilici	Néracais, Néracaises (en francés)
Còde postal	47600
Còde INSEE	47195

Pont Vielh de Nerac

Nerac (Nérac en francés) qu'ei ua comuna occitana de Gasconha (capitala istorica de Labrit) administrada peu departament francés d'Òlt e Garona de la region d'Aquitània. Que conegó la soa òra de glòria dab la cort deus Labrit e mei que mei devath lo regnat de Joana de Labrit on e ho un deus grans centres deu poder protestant.

Geografia

Nerac qu'ei la capitala istorica de Labrit, un deus parçans de Gasconha ; qu'ei un caplòc de canton meridionau dens lo departament d'Òlt e Garona. Qu'ei traucada per la Baïsa.

Heraudica

L'escut de Nerac que's blasona atau : "d'azur au só d'aur".

Devisa

Sol justitiæ Christus

Istòria

Nerac que ho sede de la cort de l'Ostau de Labrit qui los sons caps be vadon reis de Navarra (qui la capitala capsus deus Pirenèus b'èra Pau totun). Margarida de Navarra, hemna de letras, sòr de Francés I de França e molhèr d'Enric II de Labrit qu'i he arrecotir los umanistas com Lefèvre d'Etaple o Clément Marot.

Durant lo regnat de la soa hilha Joana de Labrit la ciutat que's virè de cap a la Reformae que demorè dens aqueth camp durant las Guèrras de Religion. Enric, lo son hilh (futur Noste Enric, Enric III de Navarra e IV de França) qu'esposè a París Margarida de Valés, hilha de Caterina de Medici, chic abans la Sant Bertomeu. Obligat de's tornar convertir au catolicisme que ho retiengut au Lovre abans de s'escapar de cap a Nerac on promulguè justament l'Edicte de Nerac.

Au sègle XIII, revoltada contre Loís XIII de França, que ho presa per Henri de Mayenne e las soas hortificacions que hon esbrigalhadas.

Au sègle XIX, Nerac qu'avó lo Baron Haussmann com prefècte e Armand Falhèras com cònsol. .

Administracion

Lista deus cònsols successius
Periòde		Identitat	Partit	Qualitat
2008	2014	Nicolas Lacombe
març de 2001	2008
Las donadas anterioras son pas encara conegudas.

Monuments

Glèisa de Sant Nicolau

• Lo castèth de Nerac, antica sede de la cort deus Labrits.
• La Glèisa de Sant Nicolau
• Lo Pont Vielh

Cultura

Castèth de Nerac

Durant lo regnat de Margarida de Navarra, puish Joana de Labrit, Nerac que ho un centre màger d'elaboracion de la cultura e de la literatura protestanta. Clément Marot qu'i viscó. Per aquesta medisha rason, que ho tanben un deus purmèrs lòcs d'edicion de libes en Euròpa a partir de l'invencion de la premsa. Que ho atau de segur un deus lòcs màgers de l'edicion e libes en occitan.

Nerac qu'ei un deus lòcs mentavuts per Joan Francés Blader com hont deus sons Contes de Gasconha e mantuns d'eths que s'i debanan.

Personalitats destacadas

• Los senhors de l'Ostau de Labrit.
• Lo baron Haussmann (1809-1891) que ho prefècte de Nerac abans d'ac estar de la Sèina.
• Armand Falhèras (en francés Armand Faillères - 1841-1931) : cònsol de Nerac, deputat d'Òlt e Garona, ministre puish president de la Republica Francesa.
• Michel Polnareff : autor, compositor, interpret neishut a Nerac en 1944.

Embessoatges

•  Espanha Madridejos, desempuish 1995
•  Itàlia Mesola, desempuish 2007

Nòtas

• Portau de Gasconha

• Portau de Guiana