Elisabèt II del Reialme Unit
.svg)
S.M. Elisabèt II del Reialme Unit, nascuda Elizabeth Alexandra Mary Windsor[1] (Londres, Anglatèrra, 21 d'abril de 1926 – Castèl de Balmoral, Aiberdeenshire, Escòcia, 8 de setembre de 2022),[2] foguèt reina del Reialme Unit de Grand Bretanha e Irlanda del Nòrd e dels autres quinz reialmes del Commonwealth del 6 de febrièr de 1952 a sa mòrt.
Titulatura a la mòrt
[modificar | modificar lo còdi]Elisabèt II portava los títols que seguisson. En defòra del ducat de Normandia e de l’Illa de Man, es la primièra Elisabèt a portar aqueles títols, mas èra pr'aquò numerotada "la seconda":
- Rèina d’Antigua e Barbuda de 1982 entrò la mòrt
- Rèina d’Austràlia de 1952 entrò la mòrt
- Rèina de las Bahamas de 1973 entrò la mòrt
- Rèina de Belize de 1982 entrò la mòrt
- Rèina de Canada de 1952 entrò la mòrt
- Rèina de Grenada de 1974 entrò la mòrt
- Rèina de Jamaica de 1962 entrò la mòrt
- Duquessa de Normandia (a Jersei e Guernesei) de 1952 entrò la mòrt
- Senhora de l’Illa de Man de 1952 entrò la mòrt
- Rèina de Nòva Zelanda de 1952 entrò la mòrt (Niue e las Illas Cook fan partida del reialme de Nòva Zelanda)
- Rèina de Papoa-Nòva Guinèa de 1975 entrò la mòrt
- Rèina del Reialme Unit de 1952 entrò la mòrt
- Rèina de las Illas Salamon de 1978 entrò la mòrt
- Rèina de Sant Cristòl e Nevis de 1983 entrò la mòrt
- Rèina de Santa Lúcia de 1979 entrò la mòrt
- Rèina de Sant Vincenç e las Grenadinas de 1979 entrò la mòrt
- Rèina de Vanoato de 1978 entrò la mòrt
Titulatura passada
[modificar | modificar lo còdi]Elisabèt II foguèt tanben:
- Rèina de Ceilan de 1953 a 1972
- Rèina de Paquistan de 1953 a 1956
- Rèina d’Africa del Sud de 1953 a 1961
- Rèina de Gana de 1957 a 1960
- Rèina de Nigèria de 1960 a 1963
- Rèina de Sierra Leone de 1961 a 1971
- Rèina de Tanganhica de 1961 a 1962
- Rèina d’Oganda de 1962 a 1963
- Rèina de Trinitat e Tobago de 1962 a 1976
- Rèina de Quenha de 1963 a 1964
- Rèina de Malavi de 1964 a 1966
- Rèina de Malta de 1964 a 1974
- Rèina de Guiana de 1966 a 1970
- Rèina de Maurici de 1968 a 1992
- Rèina de Gàmbia de 1965 a 1970
- Rèina de Fiji de 1970 a 1987
- Rèina de Barbados de 1966 a 2021
Biografia
[modificar | modificar lo còdi]Elisabèt II es gessida de la Maison de Windsor, nom adoptat durant la Purmèra Guèrra Mondiau, en 1917, per la Maison de Saxe-Coburg-e-Gotha, branca anglesa de la Maison de Wettin, que regna suu Reiaume Unit despuish lo decès de la reina Victòria en 1901.
Nascuda a Londres, arrèrhilha deu rei Jòrdi V e de la princessa Mary de Teck, Elisabèt es la hilha d'Albèrt, duc d'York, capdèth deu coble reiau e d'Elizabeth Bowes-Lyon.
Après aver hestejat sos 25 ans de regne en 1935, lo rei Jòrdi V decedeish en genèr 1936. Son eretièr, Edoard VIII, renonce quauques més mei tard au tròne e es son hrair capdèth, lo pair de la princessa Elisabèt, que vad rei dab lo nom de Jòrdi VI. Elisabèt n'a pas nat hrair, vad donc princessa eretièra.
En seteme de 1939, la guèrra es imminenta, la jove Elisabèt es enviada en tèrra sauva, lunh deus pairs que desiran damorar a Londres e afrontar los bombardaments dab lor pòple[3].
En abriu de 1942, la princessa Elisabèt es nomada, lo dia deu son 16au anniversari, coronèu en cap de la garda deus grenadèrs. Per lo purmèr còp, passa en revista las tropas, e debuta atau la soa activitat oficiau de futura reina deu Reiaume Unit.
A l'atge de 18 ans, s'enròtla dens la Auxiliary Territorial Service (en) coma aprenedissa conductora d'ambulància e coma mecaniciana. Mena tanben camions militars, çò que hè d'era, uèi, « lo sol cap d'Estat au monde qu'aja portat l’unifòrme pendant la Segonda Guèrra Mondiau »[4].
Nòtas e referéncias
[modificar | modificar lo còdi]- ↑ The Royal Mint Museum. «Queen Elizabeth II» (en anglés). royalmintmuseum.org.uk. [Consulta: 28 de decembre de 2023]
- ↑ BBC. «Royal Family gathers at Balmoral amid concerns for Queen's health»» (en anglés), 08-09-2022.
- ↑ Élisabeth II : 80 Années remarquables - Les Grands reportages - Société Radio-Canada
- ↑ (en) "Left Out of D-Day Events, Queen Elizabeth Is Fuming", New York Times, 27 mai 2009
| Precedit per Jòrdi VI |
.svg) Reina del Reialme Unit 1952-2022 |
Seguit per Carles III |
