Ateïsme

Un article de Wikipèdia, l'enciclopèdia liura.
Anar a : navigacion, Recercar
exemple de tèxte

L'ateïsme (del grèc atheos) es negar l'existéncia de Dieu. En un sens mai ample pòt èsser autant l'incredulitat coma l'indiferéncia davant lo fach religiós.

Evolucion conceptuala[modificar | modificar la font]

Al començament, en Grècia antica, significava "abandonat pels dieus". Aqueriguèt una significacion addicionala al sègle V aC: "que refusa los dieus" o "impiu". Ciceron transcriguèt atheos al latin. Los primièrs crestians e los pagans discutissián sul sens del mot ja que s'acusavan d'athenoi.

Tipologia[modificar | modificar la font]

L'ateïsme pòt èsser explicit quand nèga dirèctament l'existéncia de Dieu. Dins lo cas contrari es ligat a l'Agnosticisme, apelat tanben « ateïsme feble », qu'afirma que se pòt pas argumentar en favor o en contra de l'existéncia d'un dieu e lo Deïsme, qu'admet l'existéncia d'un Dieu creador mas non pas la religion. L'ateïsme practic se pronóncia pas sus l'existéncia de Dieu, mas li dona cap de valor dins la vida reala, mentre que l'ateïsme teoric admet pas l'existéncia d'un èsser transcendental. L'ateïsme teoric pòt prene diferentas formas:

  • L'Ateïsme scientific, qu'opausa Dieu e la natura. De l'inutilitat de Dieu dins la practica scientifica se conclutz son inexisténcia, en lo remplaçant de vegadas per d'autras entitats.
  • L'Ateïsme existencialista, sostengut sus la contradiccion entre Dieu e lo mal.
  • L'Ateïsme umanista que prepausa l'incompatibilitat entre Dieu e la libertat umana.
  • L'Ateïsme ontologic, qu'opausa l'infinit a Dieu, retrè lo Cristianisme d'aver anullat l'infinit pròpriament uman.

Vejatz tanben[modificar | modificar la font]