Comtat de Niça

Un article de Wikipèdia, l'enciclopèdia liura.
(Redirigit dempuèi País Niçard)
Pels articles omonims, vejatz comtat (omonimia).
Comtat de Niça
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Escut
Escut
Bandièra
Bandièra
Estat França
Capitala Niça
Principalas vilas Niça
Gentilici niçard -a
Predominança lingüistica occitan (niçard)
Localizacion

La ò lo Comtat de Niça (en occitan italianizat: la Contèa de Niça), que si sòna finda lo País Niçard, es una region istorica d'Occitània, a l'èst, a l'entorn de la vila de Niça e que s'espandisse tra la mar Mediterranèa (Còsta d'Azur), lo riu de Var e la cresta de l'extrèm sud dei Alps.

La sieu capitala es la vila de Niça.

Lo gentilici es niçard -a.

La sieu populacion es de 506 694 abitants (en lo 1999).

Geografia[modificar | modificar la font]

Lo territòri de la Comtat de Niça correspònde mai ò mens a l'actual arredoniment de Niça en lo departament dei Alps Maritims. La màger part de la Comtat es montanhoa e la part mediterranèa s'espandisse sus un trentenau de quilomètres.

La vila de Niça es totjorn estada la vila principala de la Comtat.

Demografia[modificar | modificar la font]

La populacion de la Comtat actuala viu essencialament a Niça e en riba de mar. En lo rèirepaís, li comunas de Còntes, Toreta-Levenç, Levenç, Sospèr, L'Escarea, e Brelh forman li ciutats mai importanti.


Vequí li 5 comunas mai pobladi de la Comtat:

Classament Comuna Populacion totala (2015)
1 Niça 346 055
2 Bèusoleu 13 742
3 La Ternitat 10 285
4 Còntes 7 520
5 Sant Andrieu 5 457


Istòria[modificar | modificar la font]

Mapa d'Itàlia en lo 1843

A l'inici èra una part de l'ancian comtat de Provença, pi a partir dau 1388, foguèt una partida dau ducat de Savòia (que venguèt lo reiaume de Sardenha en lo 1720). Pilhèt lo nom de Comtat de Niça a una data indeterminada après la dedicion a Savòia. Foguèt pi annexat a l'estat francés en lo 1860.


Despí aquò, forma l'arredoniment de Niça qu'es la màger part dau departament dei Alps Maritims, totun si garda lo nom de Comtat de Niça per designar aquela region culturala e istorica que la sieu personalitat es tot plen fòrta.

Istoricament, lo Principat de Mónegue es enclavat dins lo Comtat de Niça mas non ne'n fa partida. La vila de Menton, embau País Mentonasc, faïan partida dau Principat de Mónegue (fins en lo 1861, quora foguèron restacats a l'estat francés).

Cultura[modificar | modificar la font]

Bandiera e blason[modificar | modificar la font]

Blason de la Contèa

Lo drapèu de la Comtat correspònde ai armas descrichi ensinda en francés : « D'argent à l'aigle couronnée de gueules au vol abaissé, empiétant une montagne de trois coupeaux de sable issant d'une mer d'azur mouvant de la pointe et ondée d'argent ».


En la sieu Notice historique sur les blasons des anciennes provinces de France (1941), Jacques Meurgey, en soslinhant que la Comtat non a jamai possedit d'armas especifiqui, atribuïa aqueli de la Vila de Niça a tot lo país.

L'apondeson de la mar es pus recenta.

Galaria[modificar | modificar la font]

Vejatz finda[modificar | modificar la font]

Bibliografia[modificar | modificar la font]

BARELLI Herve [Hervé], ROCCA Rogier [Roger] (1995) Histoire de l'identité niçoise, Niça: Serre

Nòtas[modificar | modificar la font]


Ligams extèrnes[modificar | modificar la font]