Economia de la Còsta Rica
|
||||||||||||
|---|---|---|---|---|---|---|---|---|---|---|---|---|
| Moneda | Colón | |||||||||||
| Organizacions de comèrci | OMC, CAFTA | |||||||||||
| Estatisticas [1] | ||||||||||||
| PIB | US$ 48,77 miliards (2006) | |||||||||||
| reng PIB | 82en [2] | |||||||||||
| creissença del PIB | 4,7% (2006) | |||||||||||
| PIB per cápita | US$ 12 000 (2006) | |||||||||||
| PIB per sector | agricultura 8,6%, industria 28,3%, comèrci e servicis 63,1% (2005) | |||||||||||
| Inflacion | 13,8% | |||||||||||
| Populacion jol lindal de pauretat | 18% (est. 2004) | |||||||||||
| Fòrça de trabalh | 1 820 000 | |||||||||||
| Fòrça de trabalh per ocupacion | agricultura 20%, industria 22%, comèrci e servicis 58% (2005) | |||||||||||
| Caumatge | 6,6 % (2005) | |||||||||||
| Partenaris comercials [3] | ||||||||||||
| Expòrts (US$) | 7,931 miliards f.o.b. (2006) | |||||||||||
| Expòrts - mèrcas | café, bananas, sucre, ananas, pèças d'equipaments electronics, equipaments mètges | |||||||||||
| Partenaris | Estats Units 46,9%, Païses Basses 5,3%, Guatemala 4,4% (2004) | |||||||||||
| Impòrts (US$) | 10,88 miliards (2006) | |||||||||||
| Partenaris | Estats Units 46,1%, Japon 5,9%, Mexic 5,1%, Brasil 4,2% (2004) | |||||||||||
| Finanças publicas [4] | ||||||||||||
| Deute extèrne | US$ 6,42 miliards (2006) | |||||||||||
| Revenguts (US$) | 3,134 miliards | |||||||||||
| Despensas (US$) | 3,475 miliards | |||||||||||
| Ajuda economica recebuda | cap d'informacion | |||||||||||
Còsta Rica es pasmens considerat sovent encara coma un país essencialament agricòla. La tèrra es repartida lo mai egalament de l'America Latina, amai se las superfìcias cultivablas i cobrisson pas que 10 % del territòri ; las pradas e pasturas n’ocupan 30 % e las seuvas 50 %. Maugrat l’existéncia de bòrias familialas nombrosas, de tèrras immensas son tengudas per de multinacionalas americanas. Lo país cultiva e produtz de cafè, de bananas, de cacao, de cana de sucre, de tabat, d’agrumas, de notz de cocò e de palmièrs d’òli, amai de culturas alimentàrias a basa de ris, de maniòc e de trufas. L'elevatge boïn, pel lach e la pesca del ton, al larg de l'illa de Còco, son pro actius. La balança agricòla registra un excedent important. En escambi, las ressorsas minièras demòran menèlas (coire e baucita) e l'industria demòra embrionària: textil, sucrariá, braçariás, manufacturas de tabat, ressegadas. Una rafinariá de petròli es implantada a Puerto Limón, sobre la mar de las Antilhas, primier pòrt del país e ponch de partença del camin de fèrre transoceanic que mena a Puntarenas, sobre l'Ocean Pacific. Aquel camin, traçat a travers «l'infèrn verd» d'una de las seuvas tropicalas pus densas del monde, foguèt començat en 1871, e foguèt fins al començament de las annadas 1970 lo grand mejan de transpòrt entre la valada centrala e la còsta atlantica. Aquel ligam ferroviari es ara copat despuèi un tèrratremol e de relimpadas de terren que, en 1990 puèi en 1992, emportèron de tròç dels ralhs.
[modificar] Comèrci
Lo comèrci, deficitari, se fai per mai d'un tèrç amb los Estats Units e se tròba tròp somés a las variacions dels cors del cafè e de la banana. Lo torisme se desvolopa lèu sobre la còsta pacifica, e sei receptas an doblat entre 1991 e 1994. Los financièrs estrangièrs, rassegurats per la politica liberala, lo demeniment de l'inflacion e dels deficits publics, investisson dins lo país. Maugrat aqueles atots evidents, lo país deu afrontar lo problèma del deute exterior e del demeniment del poder de crompa d'una larga franja de la populacion.
