Arbre

Un article de Wikipèdia, l'enciclopèdia liura.
(Redirigit dempuèi Arbres)
Anar a : navigacion, Recercar
exemple de tèxte
Jacarandas en Zimbabwe.

Un arbre (var. arbe, arbo, aubre) es una planta granda, d'almens tres o quatre mètres, qu'a un tronc lenhós. Los arbres, a diferéncia dels arbusts, ramifican pas a nautor de tèrra. Ça que la mai d'una espècia d'arbres pòt de còps adoptar la forma arbustiva; atal, l'euse, se se rebronda o se crèma, pòt rebrolhar ramificada de la tèrra coma un arbust. Per contra, d'espècias abitualament consideradas arbustivas, coma l'avaus, pòdon créisser coma un arbre en condicions favorablas. En fach, los botanistas parlan dels fanerofits, plantas amb de gemas persistentas situadas per dessús de 40 cm de nautor, e dintre dels fanerofits, apèlan macrofanerofits las que n'an per dessús de 2 m, e nanofanerofits las que n'an per dejós. La longevitat d'un arbre es generalament superiora a la de la majoritat de las plantas non arborèas. Mai d'una espècias d'arbres creis per sus los 100 m. Aqueles vivon sovent mai d'un millenni. Los arbres son d'elements fòrça importants dins lo païsatge natural e son d'organismes essencials per la vida.