Anatomia

Un article de Wikipèdia, l'enciclopèdia liura.
Anar a : navigacion, Recercar
exemple de tèxte
Anatomia umana

L'anatomia (del grèc ἀνατομία:anatomia, de ἀνατέμνειν:anatemnein, ana:desseparar e temnein:copar, descopar) es una sciéncia descriptiva qu'estúdia l'estructura, la topografia e los rapòrts dels divèrses organs, aparelhs e sistèmas d'un organisme animal o vegetal.

Designa a l'encòp l'estructura d'un organisme viu e la branca de la biologia (o de la medecina, per l'anatomia umana) qu'estúdia aquela estructura.

Anatomia umana[modificar | modificar la font]

L'anatomia umana, qu'inclutz l'anatomia bruta e l'istologia, es d'en primièr l'estudi scientific de la morfologia del còs uman adulte.

Generalament, los estudiants d'unas sciéncias biologicas, paramedicals, fisioterapistas, infirmièras e estudiants en medecina aprenon l'anatomia e l'istologia amb de modèls anatomics, esqueletas, tèxtes de libres, diagramas, fotografias, lecturas e trabalhs dirigits. L'estudi de l'anatomia microscopica (o istologia) pòt èsser ajudat per l'experiéncia practica de l'examen de preparacions istologicas (o lamas) jos un microscòpi; e a mai los estudiants en medecina estúdian tanben l'anatomia generalament per la practica de la disseccion e l'examen de cadavres (còrs umans mòrts).

Los anatomistas son sovent emplegats per ensenhar dins las universitats, escòlas de medecina o espitals. Fan tanben de recèrcas sus de sistèmas, organs, teissuts o cellulas.