Embriologia

Un article de Wikipèdia, l'enciclopèdia liura.
Anar a : navigacion, Recercar
Desvolopaments comparats de divèrsas espécias

L'embriologia qu'ei la sciéncia qui estúdia lo desvolopament de l'organisme a partir de l'ueu fecondat o zigòt. Segond l'embrancament filogenetic estudiat e lo grad d'evolucion de l'espècia que's ditz sovent que « l'embriogenèsi que resumeish la filogenèsi », çò qui vòu díser que l'embrion, au cors deu desvolopament, que's basteish en tot seguir las etapas evolutivas deu son embrancament filogenic.

En çò deus animaus cordats l'embriogenèsi que segueish las etapas seguentas :

  • La segmentacion: durant aquesta etapa lo zigòt que divisan en cellulas qui divisan de contunh e rapidament shens que l'embrion aumenti lo son volum. L'embrion qu'ei en purmèr qualificat de morula puish de blastula ; qu'ei ua massa de cellulas hilhas non diferenciadas gessidas deu zigòt ; qu'ei per aquesta rason que s'apera la segmentacion.
  • La gastrulacion: a partir de dus grops de cellulas de la blastula (aperadas epiblast e endoblast) tres capas de cellulas que's diferéncian : l'ectodèrma, lo mesodèrma e l'endodèrma ; que balharàn los futurs teishuts e organs. L'embrion qu'ei alavetz aperat gastrula.
  • La neurulacion : a partir de cellulas gessidas de l'ectodèrma que van prodúser las cellulas nerviosas e formar lo canèth neurau. Aquesta etapa qu'ei caracteristica deus cordats e l'embrion vad alavetz ua neurula.
  • La metamerizacion: lo mesodèrma de la neurula que's divisa en segment regulars qui balharàn los somits e las vertèbras.
  • L'istogenèsi : formacion deus teishuts (osteós, sanguins, epiteliaus, musculós, conjontius e nerviós) .