Mangròva

Un article de Wikipèdia, l'enciclopèdia liura.
Anar a : navigacion, Recercar
Aspècte d'una mangròva en Bangladèsh.

Una mangròva es un tipe d'ecosistèma tropical o subtropical que s'encontran generalament dins de zonas intermediàrias de marèas de còstas protegidas o pauc expausadas: golf, calanca, grau, o estuari d'un fluvi e que recebon regularament un apòrt d'aiga doça.

Aqueste biotòp presenta una granda biodiversitat, en particular per la preséncia d'espècias vegetalas se caracterizant per de raices immergidas e per son adaptacion a las condicions particularas de las mangròvas: una salinitat enauçada, una oxigenacion febla, un sòl instable e una aiga pro cauda.

Entre aqueles arbres fòrça resistents a la sal, avem per exemple las espècias:

Reparticion geografica[modificar | modificar la font]

Distribucion geografica de las mangròvas
Element avançat d'una mangròva de Cuba

La mangròva se desvolopa subre lo litoral dins de zònas suavas e paucas prigondas. Ocupa la màger part de las còstas e dèltas de las regions tropicalas en assegurar una proteccion chanuda contra l'erosion e los tsunamis. Cobrís una superfícia d'aperaquí 150 000 km² sus la nòstra planeta[1]. Se situa per las zònas costièras entre las latituds 25° N e 25° S es a dire la zòna intertropicala :

  • En Africa :
    • En Africa de l'Èst : del sud de Somalia a Moçambic se pòt observar una mangròva densa e nauta d'un quinzenat de mètres.
    • Al nòrd, al ras de la mar Roja e de l'ocean Indian, es ja mens densa e fa pas que 5 mètres de naut.
    • En Africa de l'Oèst es presenta dins lo golf de Guinèa.
    • A Madagascar.
  • En Asia son presentas las mangròvas dins las illas pus al sud (illas Yaeyama) de Japon e mai en Asia del Sud-Èst e totas las illas que la separa d'Austràlia.
  • Lo pus grand ensemble de mangròva del monde es lo dèlta de Ganges e de Bramapotre.
  • En America del Sud, la mangròva es gaireben pertot pel litoral nòrd del continent. Aital que dins lo sud de l'America Centrala dusca a l'Equator. D'unes arbres superan 30 mètres de naut en Guaiana.
  • En America del Nòrd, la mangròva buta pel litoral sud de Florida (Flag of the United States.svg Estats Units), en particular dins lo parc nacional de Biscayne[2].

Referéncias[modificar | modificar la font]

  1. Estimacion de l'an 2000 facha per la FAO Conversion et conservation des mangroves
  2. (en) Natural Features & Ecosystems. Consultat lo 2009