Ganges

Un article de Wikipèdia, l'enciclopèdia liura.
Anar a : navigacion, Recercar
exemple de tèxte
Ganges (Ganga)
Varanasiganga.jpg

Ganges a Varanasi
Ganges-Brahmaputra-Meghna basins.jpg
Mapa dens bacins de drenatge combinats de Ganges (irange), de Brahmaputra (violet), e

de Meghna (verd).

Caracteristicas
Longor 2 510 km
Bacin  ?
Bacin collector 1,080,000 km2
Debit mejan 12 230 m3⋅s-1
Riu
Font Glacièr de Gangotri
S'escampa dins Baia de Bengala (Sunderbans)
Geografia
Afluents principals
 · Riba esquèrra Yamuna, Son, Mahananda
 · Riba drecha Mahakhali, Karnali, Koshi, Gandak, Ghaghra
Païses traversats Índia Índia, Flag of Bangladesh.svg Bangladèsh
Vilas principalas Haridwar, Soron, Kânnauj, Kanpur, Allâhâbâd, Vârânasî, Patna, RâjshâhîRâjsh


Ganges (en indi: गंगा, Gaṅgā, AFI: [ˈɡəŋɡaː], tanben dins fòrça lengas d'Índia) es un dels rius màgers del soscontinent indian, que raja cap a l'èst a travèrs la plana gangetica del nòrd d'Índia cap a Bangladèsh.

Lo flume raja a l'oèst d'Imalaia per l'estat indian de Uttarakhand, e drena lo dèlta dels Sunderbans dins la Baia de Bengala. Foguèt longtemps considerat coma un riu sacrat pels indos e venerat coma la diva Ganga dins l'indoïsme. Foguèt tanben important istoricament: fòrça ancianas capitalas provincialas o imperialas (coma Patliputra, Kannauj, Kara, Allahabad, Murshidabad, e Calcuta) èran situadas per sas ribas. Ganges amb sos afuents drenan un bacin fertil de 1 000 000 km2 que conten una de las pus fòrtas densitats umanas del planeta. La prigondor mejana del flume es compresa entre 16 m e 30 m.

Escorreguda[modificar | modificar la font]

Lo riu Bhagirathi a Gangotri.
Devprayag, jonhent dels rius Alaknanda (dreita) e Bhagirathi (senèstra), començament del Ganges.

Ganges comença al jonhent dels rius Bhagirathi e Alaknanda. Bhagirathi es considerat per èsser l'aiganaissent vertadièr dins la cultura indo e la mitologia. [1] Las aigas de Alakananda venon de la fonda de las nèus dels puèges coma Nanda Devi, Trisul, e Kamet. Bhagirathi raja al pè del glacièr Gangotri, a Gaumukh, a un altitud de 3892 m.[2]

E mai que nombroses rius sián a l'origina de las aigas de Ganges, los sièis pus long e sos cinq jonhents son considerats coma sagrats. Aqueles sièis son Alaknanda, Dhauliganga, Nandakini, Pindar, Mandakini, e Bhagirathi. Los cincs jonhents, dits Panch Prayag, se tròban al long d'Alaknanda. Aqueles son d'amont cap aval, Vishnuprayag, ont Dhauliganga rejonh Alaknanda; Nandprayag, ont Nandakini rejonh Alaknanda; Karnaprayag, ont Pindar rejonh Alaknanda, Rudraprayag, ont Mandakini rejonh Alaknanda; e finalament, Devprayag, ont Bhagirathi rejonh Alaknanda per formar lo Ganges pròpriament dit.

Après de s'èsser escolat subre 250km a travèrs de las vals imalaianas estrechas, Ganges emergís de las montanhas a Rishikesh, puèi desboca sus la plana gangetica a Haridwar, vila de romavatge. A Haridwar, una paissièra voja una part de sas aigas dins lo canal de Ganges, qu'irriga la region d'Uttar Pradesh, mentre que lo riu, que lo cors es estat mai o mens sud-oèst fins a aqueste punt, comença ara de fluir cap al sud-èst a travèrs de las planas d'Índia del nòrd.

Ganges seguís un trajècte corb de 800km en traversar las vilas de Kannauj, Farukhabad, e Kanpur. Sus lo camin es rejonh per Ramganga, que contribuís amb un debit annadièr mejan d'aperaquí 500 m3/s.[3] Ganges rejonh Yamuna al Triveni Sangam (jonhent de tres rius) a Allahabad, un jonhent sagrat dins l'indoïsme. A son jonhent, Yamuna es pus larg que Ganges, amb un debit de 2950vm3/s,[3] o aperaquí 58.5% del flux combinat.[4]

Ara s'escorrent cap a l'èst, lo flume encontra lo riu Tamsa (tanben dit Tons), que fluís cap al nòrd dempuèi la cadena de Kaimur amb un debit mejan d'aperaquí 190 m3. Après Tamsa es Gomti que rejonh Ganges, dempuèi lo sud d'Imalaia. Gomti presenta un debit annadièr mejan d'aperaquí 234 m3. Puèi es Ghaghara, venent tanben del sud d'Imalaia, que lo rejonh. Ghaghara, amb un debit annadièr mejan d'aperaquí 2990 m3, es lo pus grand afluent de Ganges. Après lo jonhent de Ghaghara Ganges es rejonh al sud per lo riu Son, (1000 m3/s). Los rius Gandaki, puèi Kosi, lo rejonhon ambedos pel nòrd, amb respectivament 1654 m3 e 2166 m3 de debit. Kosi es lo tresen pus grand afluent de Ganges, après Tamsa que ven del nòrd, de Ghaghara e Yamuna.[3]

Referéncias[modificar | modificar la font]

  1. Penn, James R. (2001). Rivers of the world: a social, geographical, and environmental sourcebook. ABC-CLIO, 88. ISBN 978-1-57607-042-0. Retrieved on 23 April 2011. 
  2. (1991) The Ganga, a scientific study. Northern Book Centre, 19. ISBN 978-81-7211-021-5. Retrieved on 24 April 2011. 
  3. 3,0 3,1 3,2 (2007) Hydrology and water resources of India. Springer, 341. ISBN 978-1-4020-5179-1. Retrieved on 26 April 2011. 
  4. Gupta, Avijit (2007). Large rivers: geomorphology and management. John Wiley and Sons, 347. ISBN 978-0-470-84987-3. Retrieved on 23 April 2011.