Conselh Europèu

Un article de Wikipèdia, l'enciclopèdia liura.
talha= Non deu èsser confondut amb Conselh de l'Union Europèa e Conselh d'Euròpa.
La sala de reünion del Conselh Europèu, dins lo bastiment Europa a Brussèlas.

Lo Conselh Europèu designa lo som dels caps d'Estat o caps de govèrn dels vint-e-sèt Estats Membres de l'Union Europèa, jos la tutèla d'un president encargat d'aisir l'aparicion d'un compromés. Almens dos Conselhs europèus se debanan cada an, a la fin de cada presidéncia tornanta del Conselh dels ministres. -

Aqueles soms entre executius dels Estats membres an per tòca de definir los grands axes de la politica de l'Union, subretot en matèria de politica estrangièra. Servisson tanben cada cinc ans a la nominacion, a la majoritat ponderada, del President de la Comission Europèa, decision presa aprèp validacion per un vòte del Parlament Europèu.

Dempuèi la dintrada en vigor en 2009 del Tractat de Lisbona, la Commission europèa es responsabla davant lo Parlament e non pas davant lo Conselh europèu (article 17 alinea 8 del TUE).

Lo Conselh europèu sèi al sen del bastiment Europa, al 175 carrièra de la Lei, a Brussèlas.

Istòria de l'institucion[modificar | Modificar lo còdi]

Lo primièr som se reüniguèt en 1961. Lo Conselh venguèt un organ formal pendent lo som de la Comunautat Economica Europèa (CEE) de París los 9 e 10 de decembre de 1974, a l'iniciativa del president Valéry Giscard d'Estaing. L'Acte Unic ditz pas res sus las competéncias del Conselh Europèu e cal esperar lo Tractat de Maastricht per consacrar oficialament lo ròtle politic del Conselh Europèu : «Article 15 : lo Conselh Europèu dona a l'Union las impulsions necessàrias e ne definís las orientacions politicas generalas

Dempuèi lo començament de las annadas 2000, lo Conselh Europèu a pres d'importància, subretot en participant a l'estrategia de Lisbona elaborada per la Comission Europèa. Aquela estrategia experimenta un mode de foncionament nomenat metòde dubèrt de coordinacion visant a armonizar las politicas nacionalas.

Presidéncia del Conselh Europèu[modificar | Modificar lo còdi]

Herman Van Rompuy, primièr president permanent del Conselh Europèu.

Fins al 1èr de genièr de 2010, la presidéncia del Conselh Europèu èra atribuida a l'executiu de cada Estat membre de l'Union, pendent sièis meses cadun a son torn. S'agissiá d'una presidéncia tornanta sincronizada amb aquela del Conselh dels ministres. Los cambis de president se fasián cada an, per las doas institucions dins lo meteis temps, lo 1èr de genièr e lo 1èr julhet : alara que lo cap d'Estat o de govèrn del país causit exercissiá la presidéncia dels soms, son ministre dels Afars Estrangièrs exercissiá la del Conselh dels ministres.

Amb los diferents alargaments, lo principi de la presidéncia tornanta venguèt de mens en mens aisit dins una Union Europèa amb vint-e-sèt païses. Tot en conservant la presidéncia tornanta pel Conselh dels ministres, lo Tractat de Lisbona instaurèt pel Conselh Europèu l'eleccion d'un president estable, per assegurar una visibilitat e una permanéncia a l'organ qu'assembla los caps d'Estat o de govèrn e d'aisir l'aparicion d'un compromés a l'eissida de cada som.

Lo president del Conselh Europèu dispausa d'un mandat de dos ans e mièg, renovelable un còp. Lo bèlga Herman Van Rompuy, dintrat en foncion lo 1èr de genièr de 2010, es lo primièr qu'accedís al pòste.

Sèti dels soms[modificar | Modificar lo còdi]

Immòble Justus Lipsius
Immòble Residence Palace

Fins a 2004, los Conselhs Europèus, que duran en general dos jorns, se passavan dins una vila del país que l'executiu avian la presidéncia tornanta. Dempuèi la dintrada en vigor del tractat de Niça, de febrièr de 2003, dos Conselhs per an se devián passar a Brussèlas (a la fin de cada presidéncia tornanta del Conselh dels ministres). Dempuèi lo 1èr de mai de 2004, los Conselhs Europèus se passan a l'« Immòble Justus-Lipsius » de Brussèlas, d'autra banda sèti del Conselh dels ministres. A partir de 2013, se passaràn al Residence Palace, ara en amainatjament.

Composicion[modificar | Modificar lo còdi]

Participan a un Conselh Europèu :

Dempuèi que s'aplica lo Tractat de Lisbona, doas foncions son estadas apondudas :

Membres del Conselh Europèu[modificar | Modificar lo còdi]

Estat Membre Representant Titre Partit politic Membre dempuèi Fotografia
Bandièra: Union EuropèaUnion Europèa President
Mandat sens vòte
Charles Michel President Partit de l'Aliança dels liberals e dels democrats per Euròpa
Nacional: MR
1èr de decembre de 2019
Bandièra: Union EuropèaUnion Europèa Comission
Mandat sens vòte
Ursula von der Leyen President PPE
Nacional: CDU
1èr de decembre de 2019
Bandièra: AlemanhaAlemanha Angela Merkel Cancelièira PPE
Nacional: CDU
22 de novembre de 2005
Bandièra: ÀustriaÀustria Sebastian Kurz Cancelièr PPE
Nacional: ÖVP
7 de genièr de 2020
Bandièra de Belgica Belgica Alexander De Croo Primièr Ministre Partit de l'Aliança dels liberals e dels democrats per Euròpa
Nacional: Open Vld
1èr d'octobre de 2020
Bandièra: BulgariaBulgaria Boiko Borísov Primièr Ministre PPE
Nacional: GERB
27 de julhet de 2009
Bandièra: DanemarcDanemarc Mette Frederiksen Primièr Ministre Partit Socialista Europèu
Nacional: SD
27 de junh de 2019
Bandièra: EslovaquiaEslovaquia Igor Matovič President del govèrnament cap
Nacional: OĽaNO
21 de març de 2020
Bandièra: EslovèniaEslovènia Janez Janša Primièr Ministre PPE
Nacional: SDS
13 de març de 2020
Bandièra d'Espanha Espanha Pedro Sánchez President del Govèrn PSE
Nacional: PSOE
2 de junh de 2018
Bandièra: EstòniaEstònia Kaja Kallas Primièr Ministre Partit dels Liberals e dels Democratas per Euròpa
Nacional: RFE
26 de genièr de 2021
Bandièra: FinlàndiaFinlàndia Sana Marin Primièra Ministra PSE
Nacional: SDP
10 de decembre de 2019
Bandièra de França França Emmanuel Macron President cap
Nacional: REM
14 de mai de 2017
Bandièra: GrèciaGrècia Kyriakos Mitsotakis Primièr Ministre PPE
Nacional: ND
8 de julhet de 2019
 Ongria Viktor Orbán Primièr Ministre PPE
Nacional: FIDESZ
29 de mai de 2010
Bandièra: IrlandaIrlanda Micheál Martin Taoiseach Partit dels Liberals e dels democrats per Euròpa
Nacional: FF
27 de junh de 2020
Bandièra d'Itàlia Itàlia Giuseppe Conte President del Conselh independent 1 de junh de 2018
Bandièra: LetòniaLetònia Arturs Krišjānis Primièr Ministre PPE
Nacional: Unitat
23 de genièr de 2019
Bandièra: LituàniaLituània Gitanas Nauseda President Independent 12 de julhet de 2019
Bandièra: LuxemborgLuxemborg Xavier Bettel Primièr Ministre Partit dels Liberals e dels Democratas per Euròpa
Nacional: DP
4 de decembre de 2013
Bandièra: MaltaMalta Robert Abela Primièr Ministre PSE
Nacional: PL
13 de gnièr de 2020
Bandièra: Païses BassesPaïses Basses Mark Rutte Primièr Ministre Partit de l'Aliança dels liberals e dels democrats per Euròpa
Nacional: VVD
14 d'octobre de 20010
Bandièra: PolonhaPolonha Mateusz Morawiecki President del Conselh Alliança dels Conservators e Reformistas Europèus
Nacional: PiS
11 de decembre de 2017
Bandièra: PortugalPortugal António Costa Primièr Ministre PSE
Nacional: PS
26 de novembre de 2015
Bandièra: Republica ChècaRepublica Chèca Andrej Babiš President del govèrn Aliança dels Liberals e dels democrats per Euròpa
Nacional: ANO 2011
6 de decembre de 2017
Bandièra: RomaniaRomania Klaus_Iohannis President PPE
Nacional: independent
21 de decembre de 2014
Bandièra de Suècia Suècia Stefan Löfven Primièr Ministre PSE
Nacional: SD
3 d'octòbre de 2014
Bandièra: ChipreChipre Nicos Anastasiades President PPE
Nacional: DISY
28 de febrièr de 2013

Relacions amb las autras institucions europèas[modificar | Modificar lo còdi]

Relacions amb lo Parlament Europèu[modificar | Modificar lo còdi]

Cada som debuta per una declaracion del president del Parlament Europèu. D'autra banda, lo president del Conselh Europèu presenta davant los parlamentaris l'activitat dels seus sièis meses de presidéncia e instaura un debat amb los deputats europèus.

Relacions amb la Comission Europèa[modificar | Modificar lo còdi]

Lo president de la Comission Europèa participa a las reünions del Conselh Europèu. A l'eissida d'un Som, lo Conselh europèu redigís de conclusions qu'adreiça a la Comission Europèa.

Relacions amb lo Conselh de l'Union Europèa[modificar | Modificar lo còdi]

Lo Conselh dels Ministres de l'Union Europèa prepara las reünions del Conselh Europèu e adopta, amb lo Parlament Europèu, los tèxtes juridics que realizan las orientacions fixadas pels caps d'Estat o de govèrn.

Références[modificar | Modificar lo còdi]

Articles connèxes[modificar | Modificar lo còdi]

Ligams extèrnes[modificar | Modificar lo còdi]