Ursula von der Leyen

Un article de Wikipèdia, l'enciclopèdia liura.
Ursula von der Leyen, retrach oficial.

Ursula Gertrud von der Leyen (nascuda Albrecht lo 8 d'octobre de 1958) es una femna politica alemanda qu'ocupa lo pòste de presidenta de la Commission europèa dempuèi 2019. Serviguèt dins lo Governament federal alemand entre 2005 e 2019, ocupant de pòstes successius dins lo gabinet d'Angela Merkel, pus recentament coma ministre de la Defensa. Von der Leyen es sòci de l'Union crestiana-democrata (CDU) de centre-dreit e de son omològ europèu, lo Partit popular europèu (PPE).

Nasquèt e creissèt a Brussèlas de parents alemands. Lo paire, Ernst Albrecht, foguèt un dels primièrs foncionaris europèus. Foguèt abalida bilingüe en alemand e en francés. Se mudèt dins la region de Hannover en 1971 quora lo paire dintrèt en politica per venir ministre-president de l'Estat de Bassa Saxònia en 1976. Coma estudianta en economia a la London School of Economics a la fin dels ans 1970, visquèt amb lo nom de Rose Ladson, le nom de familha de la rèire-grand americana de Charleston, Carolina del Sud. Après aver obtengut son diplòma de medecin a la Hannover Medical School en 1987, s'especializèt dins la santat feminina. En 1986, esposèt son colèga medecin Heiko von der Leyen de la familha von der Leyen de mercands de seda. Coma maire de set enfants, foguèt femna a l'ostal pendent una partida dels ans 1990 e visquèt quatre ans a Stanford, en Califòrnia, mentre que son marit èra professor a l'Universitat de la vila, tornèron en Alemanha en 1996.