Camin de Sant Jaume
 | |
| Tipe | Xarxa de senders (ca)   |
|---|---|
| Eponim | Sant Jacme lo Màger e Compostèla |
| Localizacion | |
| Estat | Espanha, Portugal, França, Itàlia, Luxemborg, Belgica, Alemanha, Soïssa, Àustria, Polonha, Republica Chèca, Reialme Unit, Païses Basses, Eslovènia e Ongria |
 | |
| Istòria | |
| Primièra mencion escrita | sègle ix |
Lo Camin de Sant Jaume (var. Chamin de Sant Jaume, Camin de Sant Jacme) (en galèc: Caminho de Santiago; en castelhan: Camino de Santiago; en basco: Done Jakue bidea; en aragonés SLA: Camin de Sant Jaime; en aragonés GO: Camín de San Chaime; en francés: Chemin de Saint Jacques) es un ensems de rotas d'Euròpa Occidentala que lei romieus lei percorron (crestians catolics mai que mai) per arribar a la vila de Compostèla, en Galícia. Aquí fan un romavatge en onor de Sant Jaume.
Certaneis estapas dau Camin de Sant Jaume son vengudas de luòcs de raionament religiós e culturau, sustot en Occitània, en Aragon, au Bascoat, en Espanha e en Galícia.
Mentre que lo percorrián fòrça a l'Edat Mejana, l'oblidèron un pauc puei mai a l'ora d'ara lei romieus li tornan donar una granda importància.
Segon Robèrt Lafont, lo Camin es un dei grands ais de circulacion que contribuisson a faire d'Occitània un espaci de relacions coerent dins l'istòria, amb una plaça essenciala entre la Peninsula Iberica e la rèsta d'Euròpa[1].
Dins la cultura populara, se ditz que de seguir la direccion de la Via Lactèa, dins lo cèu, de nuech, aquò mena a Compostèla. Aquò explica que la galaxia a recebut tanben lo nom de «Camin de Sant Jaume».
Los camins
[modificar | modificar lo còdi]
Los de Compostèla son sus la Lista dau Patrimòni Mondiau de l'UNESCO jos lo nom de Camino francés e los Camins del Nòrd d'Espanha (inscipcion del temps de la session de 1993, cambiament de nom en 2015), de Camins de Sant Jaume en França (session de 1998).
- Via Lemovicensis
- Via Podiensis
- Via Tolosana
- Via Turonensis
- Camin aragonés
- Camin navarrés
- Camin francés
Sites dels Camins de Sant Jaume al patrimòni mondial en Occitània
[modificar | modificar lo còdi]Aicí la lista dels sites dels Camins de Sant Jaume classificats al patrimòni mondial de l'umanitat:
| Denomincacion | Comuna |
| Catedrala de Sant Caprasi | Agen |
| Glèisa de Senta Quitèira | Aira |
| Ospici deu Plan e Capèla Nòsta Dauna de l’Assompcion, coneguda sota lo nom de Capela dels Templars puèi Capela dels Cavaliers de Malta | Aranhoet |
| Glèisa de Sant Honorat | Arle |
| Catedrala de Senta Maria | Aush |
| Glèisa de Nòstra Dòna de Tramesaigas | Audressenh |
| Catedrala de Senta Maria | Baiona |
| Pont d'Artigas | Bèumont de Tenarèsa |
| Cadetrala de Sent Andriu | Bordèu |
| Basilica de Sent Seurin | Bordèu |
| Basilica de Sent Miquèu | Bordèu |
| Pont de Balandras | Caors |
| Catedrala de Sant Estève | Caors |
| Basilica de Nòsta Dama dau Pòrt | Clarmont-Ferrand |
| Ostal de Dieu de Sant Jaume | Clarmont-Ferrand |
| Pont de Dordon | Concas de Roergue |
| Abadiala de Santa Fe | Concas de Roergue |
| Pont Vièlh | Espaliu |
| Pont sus Òlt | Estanh d’Avairon |
| Espital de Sant Jaume | Fijac |
| Glèisa de Nòsta Dauna deu Bon Pòrt | Gavarnia e Gèdra |
| Dolmen 2 del Puèg Laglaire | Grialon |
| Glèisa de Sent Laurenç | Gèdeu |
| Collegiala Sent Pèir | L'Arromiu |
| Glèisa de Sent Pèir | La Seuva Majora |
| Anciana Abadia de la Seuva Majora | La Seuva Majora |
| Anciana abadiala de Nòstra Dòna de la Nativitat | Lo Boisson de Cadonh |
| Sant Jaume | Lo Puèi de Velai |
| Catedrala de Nòstra Dòna | Lo Puèi de Velai |
| Cloquièr e pòrge de l’anciana glèisa | Mamisan |
| Abadiala de Sant Pèire e son clastra | Moissac |
| Glèisa de Senta Maria | Auloron |
| Glèisa Sent Jacme de Còth d'Ossan | Ordins e Còth d'Ossan |
| Catedrala de Sent Front | Periguers |
| Glèisa Nòstra Dòna del Borg | Rabastens |
| Basilica del Sant Slavaire e cròta de Ròcamador | Ròcamador |
| Glèsa de Sench Avit | Sench Avit Senhor |
| Basilica paleocrestiana e capèla de Sant Julian | Sent Bertran de Comenge |
| Anciana catedrala de Nòstra Dòna | Sent Bertran de Comenge |
| Pont dels Pelegrins | Sanch Èli d'Aubrac |
| Anciana abadiala | Sant Geli |
| Anciana abadia de Gellone | Sant Guilhèm dau Desèrt |
| Pònt dau Diable | Sant Joan de Fòrcs |
| Glèisa de Sent Liunard | Sent Liunard |
| Catedrala de Sent Líser e son clastre, palais episcopal | Sent Líser |
| Abadia de Sent Sever | Sent Sever de Lanas |
| Abadia de Sent Joan | Sòrda l'Abadia |
| Basilica Nòsta Dauna deu Cap de las Tèrras | Solac de Mar |
| Ostal de Dieu de Sant Jaume e pont vièlh | Tolosa |
| Basilica de Sant Sarnin | Tolosa |
| Anciana catedrala de Sent Jan Baptista | Vasats |
| Basilica de Sant Just | Vathcrabèra |
Sèt tròces de la Via Podiensis (lo Camin del Puèi), totalizant aperaquí 160 km, son tanben inscrichs:
- 22 km entre Arüe e Òstavath (Pirenèus Atlantics).
- 17 km entre Las Binals e Sanch Èli d'Aubrac (Losera e Avairon).
- 17 km entre Sant Cosme e Estanh (Avairon).
- 35 km entre Leitora e Condòm (Gers).
- 18 km entre Montredond e Fijac (Òut).
- 22,5 km entre Faicelas e Cajarc (Òut).
- 26 km entre Bach e Caors (Òut).
Vejatz tanben
[modificar | modificar lo còdi]- (es) Camin de Sant Jaume
- (es) Caminosantiago.com
Nòtas
[modificar | modificar lo còdi]- ↑ LAFONT Robèrt (2003) Petita istòria europèa d’Occitània, coll. Istòria, Canet: Trabucaire.