Galícia

Galícia

Galicia (gl) Galicia (es)
(Bandièra) (Escut d'armas)
Imne	Os Pinos
Devisa	Os Pinos
Nom oficial	Galicia (gl)
Administracion
Capitala	St. Jacme de Compostèla
Lenga oficiala	galèc espanhòl
Politica
• President	Alfonso Rueda (ca) (2022–)
Geografia
42° 48′ N, 7° 54′ O
Estat	Espanha
Superfícia	29 574 km²
Punt culminant	Peña Trevinca (2 127 m)
Fus orari	UTC+01:00 (ora estandard) UTC+02:00 (ora d'estiu)
Demografia
• Totala	2 703 290 ab. (2024 )
Gentilici	galèc (masculin singular) galèga (feminin singular)
Autras informacions
Domeni Internet	.gal
ISO 3166-2	ES-GA

Galícia (en galèc: Galicia [ɡaˈliθjɐ]  o Galiza [ɡaˈliθɐ] ; en espanhòl: Galicia) es una comunautat autonòma espanhòla e una nacion istorica (en galèc: nacionalidade histórica); situada dins lo nòrd-oèst de la peninsula Iberica, al nòrd-èst del golf de Biscaia, al l'oèst de l'ocean Atlantic, a l'èst d'Astúrias e Castelha e Leon e al sud de Portugal. Es formada per las províncias de La Coronha, Lugo, Ourense e Pontevedra. La capitala de Galícia dempuèi l'aprobacion de l'estatut d'autonòmia en 1982, es Sant Jacme de Compostèla. Vigo e La Coronha son las comunas mai densament pobladas.

La populacion de Galícia atenh 2 695 645 (INE, 2021), principalament localizada dins las regions costièras. Lo galèc e lo castelhan i son parlats, ambedós oficials segon l'Estatut d'Autonomia de Galícia, lo galician essent lenga neta de la comunautat. Lo sieu gentilici galèc, galèga, segon lo Conselh de la Lenga Occitana.

Demografia

Segon lo recensament de 2006, Galícia compta 2 767 524 abitants. S'estima a tres milions los galicians que vivon dins d'autras regions espanhòlas e d'autres païses, coma Argentina, Uruguai, Veneçuèla, Cuba, Brasil, Mexic e los païses de l'Euròpa Centrala. Sa densitat de populacion, 93,6 ab./km², es leugièrament superiora a la mejana espanhòla.

Distribucion de la populacion

Vigo es la vila màger de Galícia, e l'airal amb la densitat màger de populacion es la region de Rías Baixas. L'organizacion tradicionala de la populacion en Galícia es substancialament diferenta de la de la rèsta d'Espanha, e se basa en comunas, parròquias e comarcas (existisson 53 comarcas).

A diferéncia de la rèsta d'Espanha, Galícia, amai siá pas una de las comunitats mai pobladas, compta amb nombrosas vilas de populacion importanta

Vilas principalas

1. Vigo - (293 255)
2. La Coronha - (243 320)
3. Ourense - (108 137)
4. Compostèla - (93 458)
5. Lugo - (93 450)
6. Pontevedra - (80 096)
7. Ferrol - (76 399)
8. Vilagarcía de Arousa - (36 519)
9. Narón - (35 664)
10. Oleiros - (31 264)
11. Redondela - (30 029)
12. Carballo - (29 985)
13. Ribeira - (27 053)
14. Arteixo - (26 739)
15. Culleredo - (26 547)
16. Marín - (26 190)

Evolucion demografica

L'istòria demografica de Galícia es d'una pèrda contínua de participacion a la populacion totala d'Espanha, coma resultat de l'emigracion vèrs l'America Latina o autras parts d'Espanha. Aital, en 1857 la densitat de populacion en Galícia èra la màger de totas las regions del país, e Galícia representava 11,49% de la populacion espanhòla. Mas en 2006, sonque 6,19% dels espanhòls residissiá en aquesta comunitat autonòma.

Taus de natalitat

7,1 per 1000

Taus de mortalitat

10,3 per 1000

Esperança de vida al nàisser

80,1 ans

Òmes

76,5 ans

Femnas

83,6 ans

Bassa natalitat e bassa mortalitat provòcan un bas creissement o creissement negatiu, amb mortalitat pus nauta per vielhiment de la populacion e un naut nivèl de desvolopament.

Fenomèn de l'immigracion en Galícia

Segon lo recensament de 2006 la proporcion d'estrangièrs dins la populacion regionala es de 2,67%, percentatge pus bas d'Espanha après Extremadura (la mejana d'estrangièrs dins la populacion espanhòla es 9,47%). Las comunautats predominantes son la portuguesa (17,93% del total d'estrangièrs), la colombiana (10,93%) e la brasilièra (8,74%).